U Radaškovičach uratavali lebiedzia, jaki ŭrezaŭsia ŭ liniju elektrapieradač
Małady lebiedź sutyknułasia ź linijaj elektrapieradač i pryziamliŭsia na pryvatnym padvorku. Adbyłosia heta ŭ pasiołku Radaškovičy na vulicy, jakaja znachodzicca pablizu kanała Vilejska-Minskaj vodnaj sistemy. Vidać, lebiedź chacieŭ sieści na vadu, ale ŭ tumanie nie zaŭvažyŭ pieraškody. Paśla ŭdaru ŭ ptuški byŭ šok, samastojna ŭźlacieć jana nie mahła. Časovy prytułak niaprošanamu hościu dali miascovyja žychary, piša «Maładziečanskaja hazieta».
«Lebiedź — vialikaja ptuška, i dla ŭźlotu joj treba mietraŭ z 30 adkrytaj prastory, — prakamientavaŭ situacyju načalnik Maładziečanskaj rajonnaj inśpiekcyi pryrodnych resursaŭ i achovy navakolnaha asiarodździa Uładzisłaŭ Čarnoŭ. — U nasielenym punkcie takoj «uźlotnaj pałasy» niama. Da taho ž paśla ŭdaru lebiedź byŭ dezaryjentavany, mahčyma, atrymaŭ traŭmu. Jon sapraŭdy mieŭ patrebu ŭ dapamozie».
Paśla zdareńnia ptušku pieravieźli ŭ śpiecyjalny prytułak dla dzikich žyvioł. Tam lebiedzia buduć karmić i nazirać za im. A kali paškodžańniaŭ nie vyjavicca, to kryłataha pacyjenta vypuściać nazad u pryrodu. Pierajezd ptuška pieraniesła spakojna.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec30
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary