Daśledčyki hazavych plit u Kalifornii vyjavili, što ŭzrovień bienzołu paraŭnalny z kolkaściu bienzołu ad pasiŭnaha kureńnia.
Daśledavańnie, apublikavanaje ŭ Environmental Science & Technology, pakazała, što amal z usich hazavych plit adbyvajucca ŭciečki bienzołu škodnych ŭzroŭniaŭ. Kolkaść bienzołu, jaki, jak viadoma, vyklikaje rak u ludziej, dla niekatorych plit u siem razoŭ pieravyšała rekamiendavany biaśpiečny limit.
Byli ŭziatyja ŭzory z 159 hazavych plit u Kalifornii, jakija siłkujucca tryma bujnymi miascovymi hazavymi kampanijami — i ŭ 99% prob byŭ vyjaŭleny bienzoł. Daśledčyki kažuć, što prostaja najaŭnaść u domie hazavaj plity moža stvaryć kancentracyju bienzołu na kuchni, paraŭnalnuju z pasiŭnym kureńniem.
Daśledčyki padličyli, što kalifarnijskija plity štohod vykidvajuć stolki ž bienzołu, kolki 60 000 lehkavych aŭtamabilaŭ, što pracujuć na hazie. Pradstaŭniki niekamiercyjnaha daśledčaha instytuta PSE Healthy Energy kažuć, što palityka pastupovaj admovy ad hazavych pryboraŭ nie tolki karysnaja dla našaha klimatu, ale i zabiaśpiečvaje važnyja pieravahi dla hramadskaha zdaroŭja, palapšajučy jakaść pavietra ŭ pamiaškańniach i na vulicy.
Gizmodo raspaviadaje, što ŭ Kalifornii prahałasavali za prajekt pa admovie ad prodažu hazavych plit i vodanahravalnikaŭ da 2030 hoda. Štat taksama prahałasavaŭ za zabaronu prodažu aŭtamabilaŭ z hazavym ruchavikom da 2035 hoda. Roznyja harady ZŠA taksama zabaraniajuć hazavyja padklučeńni ŭ ramkach bolš šyrokaj stratehii baraćby sa źmianieńniem klimatu i pa źnižeńni ŭzroŭniu zabrudžvańnia pavietra.
-
Žanočy ałkahalizm: čym jon roźnicca ad mužčynskaha i jak da takich žančyn stavicca?
-
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
-
Rak moža być zaraznym? Navukoŭcy vyjavili čaćviorty taki vypadak
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii19
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary