Hałoŭčanku nie padabajecca školnaje charčavańnie: «zaviedama niasmačnyja, adnastajnyja, nieestetyčna aformlenyja stravy»
Novaje pytańnie, jakim zaniaŭsia premjer Raman Hałoŭčanka — jakaść i źmiest školnaha charčavańnia. Na jahonuju dumku, heta akurat taja prablema, jakuju «varta razhledzieć na ŭzroŭni ŭrada». U vyniku była praviedziena admysłovaja narada.
Padčas narady Hałoŭčanka panarakaŭ, što «na žal, našych dziaciej taksama zakranuli niehatyŭnyja źjavy, źviazanyja z rostam spažyvańnia chlebabułačnych vyrabaŭ, čypsaŭ, prysmakaŭ, sałodkich hazavanych napojaŭ, niedachop mikra— i makranutryjentaŭ, vysokaje spažyvańnie cukru, soli i transtłuščaŭ». Tamu ŭ pačatku 2022 hoda naturalnyja normy charčavańnia byli aktualizavanyja: źmienšanyja pa cukru, soli, kandytarskich vyrabach, zatoje ŭ racyjonie stała bolš harodniny i sadaviny.
Adnak vylezła inšaja prablema — jakaść školnaha charčavańnia i jaho arhanizacyja. Vučniam, maŭlaŭ,
«niaredka prapanujucca zaviedama niasmačnyja, adnastajnyja, nieestetyčna aformlenyja stravy. Dzieci ich prosta nie jaduć. Adsiul i vialikaja kolkaść adkidaŭ paśla školnych śniadankaŭ i abiedaŭ».
Dla vyrašeńnia hetych pytańniaŭ Minadukacyi prapanuje šerah mier, ale Hałoŭčanku jany nie zadavalniajuć, bo «nosiać u asnoŭnym arhanizacyjna-finansavy charaktar», u toj čas jak «pavinny być takimi, kab zrabić charčavańnie ŭ škołach, himnazijach, daškolnych ustanovach sapraŭdy smačnym, zdarovym, raznastajnym i ŭličvać pažadańni dziaciej». Jak mienavita heta zrabić — pakul što da kanca nie zrazumieła.
-
Cichanoŭskaja zaklikała Estoniju pravodzić roźnicu pamiž biełarusami i rasijanami
-
Anžalicy Mielnikavaj vydali pašpart prykryćcia na imia Anhieliny Radzivonavaj?
-
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ
Kamientary