Na minskaj carkvie ŭstanavili samy vialiki kupał u Biełarusi. Jaho vaha — 12 ton
Na chramie ŭ honar Dabravieščańnia Praśviatoj Baharodzicy, budaŭnictva jakoha viadziecca ŭ Minsku, u paniadziełak pastavili piać kupałoŭ. Adzin ź ich staŭ samym vialikim u Biełarusi — jaho vaha składaje 12 ton, paviedamlajuć «Minsk-Naviny».
Mitrapalit Minski i Zasłaŭski, Patryjaršy ekzarch usiaje Biełarusi Vienijamin ździejśniŭ malebien, aśviaciŭ kryžy na kupałach i kaplicu Stylijana Pafłahonskaha, raźmieščanuju na terytoryi chramavaha kompleksu, a taksama zakłaŭ u ścianu kaplicy kapsułu času z pasłańniem naščadkam.
Carkva budujecca na ŭzvyššy kala stancyi mietro «Mahiloŭskaja». Jak raskazaŭ nastajaciel prychoda, protaijerej Aleh Papovič, vyšynia chrama składaje 33 mietry. Jon vykanany ŭ vizantyjskim styli, a ŭnutranaje ŭbrańnie carkvy budzie ŭpryhožana mazaikaj ŭ załatych tanach.
Adzin ź piaci kupałoŭ, jakija źjavilisia nad carkvoj, — samy vialiki ŭ Biełarusi, jon važyć 12 ton. Čatyry inšyja kupały majuć vahu pa 6 ton.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary