Jana Papłaŭskaja, jakaja syhrała Čyrvonaha Kapturka, vyjšła zamuž za žurnalista, jaki na 15 hadoŭ maładziejšy za jaje
Muž taksama pierapisaŭ na jaje svaju majomaść.
55-hadovaja Jana Papłaŭskaja znoŭ vyjšła zamuž. Biełarusam jana dobra viadomaja pierš za ŭsio pa hałoŭnaj roli ŭ filmie «Pra Čyrvony Kapturok» režysiora Leanida Niačajeva, źniatym na «Biełaruśfilmie», nahadvaje «Kamsamolskaja praŭda».
Para nie stała rabić sa svajho šlubu vialikaj uračystaści, a adznačyła hetuju padzieju ŭ kole samych blizkich ludziej. Novy muž Jany — žurnalist Jaŭhien Jakaŭleŭ, vybrańnik maładziejšy za jaje na 15 hadoŭ. Znajomyja jany daŭno, z 2007 hoda, ale doŭhi čas adnosiny nie vychodzili za miežy siabroŭskich. Tolki 7 hadoŭ tamu jany stali bolš asabistymi. Papłaŭskaja pryznajecca, što Jakaŭleŭ zavajavaŭ jaje serca pryhožymi ŭčynkami.
— Kožny hod jon mnie pa niekalki razoŭ rabiŭ prapanovu, ale ja, jak taja varona, jakaja «kusta baicca» paśla pieršaha šlubu, adniekvałasia, — pryznałasia Jana ŭ adkaz na pytańnie pieradačy «Ty nie pavieryš» na NTB. — Užo i dzieci mianie ŭhavorvali: kali ty zamuž vyjdzieš? Ženia im spadabaŭsia, jany ž 5 hadoŭ pryhladalisia.
Paśla aficyjnaj rehistracyi šlubu viadomaja aktrysa stała ŭładalnicaj vialikaha doma, jaki muž pierapisaŭ na jaje.
— Ja ŭsio zapisvaju na Janu, jak aliharch. Žartuju … Ale prosta ŭsio na Janu afarmlajem, — skazaŭ Jaŭhien.
Jana vyrašyła nie mianiać svajo proźvišča Papłaŭskaja, pakolki, pa jaje słovach, pracuje na jaho «z čatyroch hadoŭ». Muž da hetaha pastaviŭsia z razumieńniem i nie staŭ nastojvać.
Aktrysa była 25 hadoŭ u pieršym šlubie z akcioram i pradziusaram Siarhiejem Hinzburham, adnak šlub raspaŭsia z-za zdrady Siarhieja ŭ 2011 hodzie. Ad Hinzburha ŭ Jany dvoje synoŭ, jany ŭžo darosłyja: 37-hadovy Klim i 26-hadovy Mikita. U Jaŭhiena taksama jość dačka ad papiaredniaha šlubu — 10-hadovaja Liza. Ahulnych dziaciej maładyja zavodzić nie majuć namieru.
Eks-muž Papłaŭskaj taksama znajšoŭ svajo ščaście: 61-hadovy režysior žanaty z 30-hadovaj aktrysaj Volhaj Viničenka.
Varta adznačyć, što apošnim časam Jana Papłaŭskaja aktyŭna vystupaje za zachopnickuju vajnu va Ukrainie.
-
«Ja skazaŭ «tak». Ukrainski śpiavak Melovin abviaściŭ pra zaručyny z paramiedykam USU FOTY
-
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj
-
Mancior linij vysokaha napružańnia z Pružan raskazaŭ pra pazityŭny vynik piaci hadoŭ biez seksu
Kamientary
a da apošniaha abzaca i nie daciahnuła... zadoŭha da jaho stała brydka