Praŭładnyja prapahandysty pavialisia na fejk pra Puškina ad homielskaha pravakatara
Ranicaj 11 listapada ŭłady ŭkrainskaha Žytomira źniali z pastamienta biust Puškina, što stajaŭ u hetym horadzie, i pieravieźli jaho ŭ muziej. Videa z pracesam demantažu raspaŭsiudzili ŭkrainskija ŚMI. Rasijskija i łukašenkaŭskija ŚMI nieŭzabavie paviedamili pra toje, što padčas demantažu zahinuŭ čałaviek. Ale akazałasia, što hetyja čutki ŭ infarmacyjnuju prastoru śviadoma zakinuŭ hamialčuk, jaki na hetym śpiecyjalizujecca, piša «Fłahštok».
Infarmacyja pra toje, što biust Puškina pry padzieńni zabiŭ žychara Žytomira, na druhi dzień pajšła pa rasijskich ŚMI, 13 listapada pra «zdareńnie» raskazaŭ i Ryhor Azaronak na STB.
Ale ŭ toj ža dzień u kamientarach da svajho jutub-kanała žychar Homiela Jaŭhien Katlaroŭ pryznaŭsia, što heta jon stvaryŭ dy raspaŭsiudziŭ hety fejk: «Dyk jany ŭ mianie navinu skrali, dakładniej praź mianie».
Raniej hamialčuk Katlaroŭ nieadnarazova dasyłaŭ iłžyvuju infarmacyju ŭ niezaležnyja ŚMI, a ciapier usio čaściej zakidaje fejki i praŭładnym aktyvistam — svaim kankurentam.
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary
Pa jakich mienavita ŚMI? Navat ultra-pravy ruchik «NOD» raźmiaściŭ na svaim kanale vidyja z demantažom stoda Puškina. I tamaka pakazana, što cha... (lepiej skažam: charošyja ludzi) źniali vielmi akuratnieńka, lejcami, a nie kidali biust dołu. Praz što ni adna hałava, u tym liku j samoha ASa, zusim nie paciarpieła. Tamu niezdarma ž zdavion kažuć, što lepiej adzin raz ubačyć, čym šmatkroć pra hena pačuć. I tym bolej, ad joł..čnych medyjaŭ.