Hramadstva2020

Prapahandystka Bondarava atakavała muziej Anatola Biełaha ŭ Starych Darohach, jość straty

Praŭładnaja aktyvistka z Hrodna, kiraŭnica dźviuch praŭładnych inicyjatyŭ «Infośpiecnaz» i «Antivandał» Volha Bondarava paviedamiła pra paśpiachovuju ataku na pryvatny muziej Anatola Biełaha ŭ Starych Darohach. Pry padtrymcy prarasijskich vysokapastaŭlenych čynoŭnikaŭ i byłych dy dziejnych supracoŭnikaŭ KDB joj udałosia dabicca źniščeńnia častki ekspanataŭ, paviedamlaje «Radyjo Svaboda».

Bondarava nazvała biusty i bareljefy słavutym biełarusam, pastaŭlenyja pierad budynkam muzieja, «rusanienaviśnickaj i pranacysckaj ekspazicyjaj» i paskardziłasia rajonnamu ideołahu Uładzimiru Dzieviacieniu. Adnak toj, pa słovach prapahandystki, «pastaviŭ na paŭzu» spravu ŭ raźbiralnictvie ź biustami i bareljefami, jakija zdalisia Bondaravaj niedarečnymi.

Jana paviedamiła, što, dziakujučy supracoŭnictvu z uładami, ź miemaryjalnaj zony pierad budynkam muzieja byli prybranyja partrety paetki Natalli Arsieńnievaj, bratoŭ Łuckievičaŭ, Kastusia Kalinoŭskaha, dziejačaŭ BNR i BCR.

Na videa, źniatym u Starych Darohach, možna ŭbačyć źniščany biust Łarysy Hienijuš, a na pastamient pastavili inšy, mienšy pamierami, praŭdapadobna — Jakuba Kołasa. Taksama źniščana jašče niekalki bareljefaŭ, a niekatoryja, jak zajaŭlajecca, «pravierać historyki».

Źniščany biust Łarysy Hienijuš, časova zamienieny na inšy

Adnym z tych, chto paŭpłyvaŭ na źniščeńnie asobnych biustaŭ i bareljefaŭ u muziei, staŭ staršynia pastajannaj kamisii pa nacyjanalnaj biaśpiecy PPNS Aleh Biełakonieŭ. Toj samy vajskovy aficer, jaki paśla zabojstva supracoŭnika KDB Fiedasiuka ŭ 2021-m hodzie abiacaŭ žorstkija raspravy ź niazhodnymi, «100 za adnaho».

Źniščany bareljef u pamiać Natalli Arsieńnievaj

Taksama Bondarava padziakavała za źniščeńnie častki ekspazicyi padpałkoŭniku KDB u adstaŭcy Jemialjanu Lapiošku, Alaksandru Płavinskamu i «nieabyjakavym žycharam Starych Daroh i čynoŭnikam, jakija pažadali zastacca nienazvanymi».

«Na hety momant farmirujecca admysłovaja kamisija z pradstaŭnikoŭ navukovaj supolnaści», — adznačyła Bondarava.

Muziej u Starych Darohach

Vykładčyk BDU, krajaznaŭca, zasnavalnik i staršynia kulturna-aśvietnaha kłuba «Spadčyna» Anatol Bieły ŭ 1990-ja hady stvaryŭ u Starych Darohach pryvatny muziej historyi Biełarusi.

Na terytoryi baćkoŭskaj siadziby Anatol Bieły pabudavaŭ ceły muziejny kompleks, častka ekspanataŭ jakoha zachoŭvajecca i pad adkrytym niebam, u aharodzie na pryvatnaj terytoryi. Usiaho ŭ muziei vosiem załaŭ, ekspanaty — samyja roznyja: ad tvoraŭ mastactva i biustaŭ słavutych biełarusaŭ da miedaljonaŭ i haziet emihrantaŭ. Zachoŭvajecca tut vielmi šmat rečaŭ, padoranych Anatolu Biełamu, artefaktaŭ, źviazanych ź pieryjadam najnoŭšaha biełaruskaha Adradžeńnia.

Asobnaja ekspazicyja pryśviečanaja zmaharam za Biełaruś, asobnaja — aśvietnikam, jość i piersanalnyja ekspazicyi. Paśla śmierci ŭ 2011 hodzie Anatola Biełaha raźvićciom muzieja zajmalisia jahonaja žonka Ała i stryječny brat Michaił.

Kamientary20

  • fcf
    16.11.2022
    Tre było b dla historyi pakinuć proźviščy ŭsich "znaŭcaŭ" i "acanicielaŭ" biełaruskaj kultury. Chacia nie tolki dla historyi ...
  • A
    16.11.2022
    Kuda oni smohut ubiežať ot narodnoho hnieva?

    Vied́ vsie ravno budiet Niurnbierh... rano ili pozdno.
  • My
    16.11.2022
    Mnie kažietsia, čto majatnik užie v vierchniej točkie.

Ciapier čytajuć

HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier

HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier

Usie naviny →
Usie naviny

Kancler Hiermanii «pavinien vystavić Pucinu ŭltymatum — spynieńnie ahniu abo rakiety Taurus» — hałoŭny redaktar Bild5

«Źniali z karty 400 rubloŭ». Hetaja kamisija stavić klijentaŭ u tupik, ale banki jaje ŭvodziać5

Vučonyja ŭpieršyniu vyraścili zub u łabaratornych umovach — ich spadziajucca stavić zamiest pratezaŭ1

Ad staroj Hrušaŭki pakinuć tolki viekavy klon6

Zdajecca, dziaŭčyna znajšła samaje instahramnaje miesca dla adpačynku ŭ Biełarusi. Ale košt hłempinhu nie dla słabaniervovych19

Ułady zdalisia praz 10 hadoŭ: na vytaptanaj ściežcy ad «Malinaŭki» da «Prastora» vykładuć plitku4

U Rasii sałdata, jaki dobraachvotna zdaŭsia ŭ pałon USU, asudzili na 15 hadoŭ7

Jak štučny intelekt źmienić našu miedycynu za nastupnyja hady? Razvažaje biełaruska-zasnavalnica startapa12

Učora ŭ Biełarusi było da +20°S1

bolš čytanych navin
bolš łajkanych navin

HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier

HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier

Hałoŭnaje
Usie naviny →

Zaŭvaha:

 

 

 

 

Zakryć Paviedamić