U bazie «Kufar nieruchomaść» bolš za 5400 kvater pa ŭsioj Biełarusi, jakija možna źniać na praciahły termin. I prykładna stolki ž, jakija zdajucca na sutki. «Kufar nieruchomaść» praanalizavaŭ, što adbyvajecca na hetym rynku.
Ceny na doŭhaterminovuju arendu apošnija paŭhoda raśli. Ale nie dla ŭsich siehmientaŭ hety rost byŭ raŭnamiernym, a hałoŭnaje — jon byŭ bolš pavolny, čym inflacyja.
Naprykład, za «adnapakajoŭku» ciapier u siarednim daviadziecca płacić 384 rubli ŭ miesiac — i heta na 6,2% bolš, čym u mai.
4-pakajovyja kvatery vyraśli na 3,3%, a 3-pakajovyja — na 5%. Pry hetym ceny doŭhaterminovaj arendy vialikich kvater, dasiahnuŭšy piku ŭ žniŭni-vieraśni, zaraz płaŭna źnižajucca.
Samy darahi košt doŭhaterminovaj arendy, pradkazalna, u Minsku i Minskaj vobłaści. A voś vysokija ceny na zdymnaje žyllo ŭ Viciebskaj vobłaści ździviać. Bo kali vy chočacie kupić žyllo, to Viciebščyna, naadvarot, samy «tanny» rehijon.
Sioleta na biełaruskim rynku pasutkavaj arendy kvater naziraŭsia rost paśla dvuch hadoŭ stahnacyi — adbilisia admiena pandemijnych abmiežavańniaŭ, padaražeńnie adpačynku ŭ Jehipcie i Turcyi, uviadzieńnie biaźvizavaha režymu dla hramadzian Litvy, Łatvii i Polščy, a taksama palityčnyja padziei ŭ susiednich krainach.
Košt pasutačnaj arendy kvater nie tak zaležyć ad kolkaści pakojaŭ, jak ad inšych faktaraŭ — raźmiaščeńnia i jakaści ramontu. Heta varta ŭličyć, kali vy źbirajeciesia zdavać žyllo na karotki termin.
Z maja košt arendy kvatery za sutki ŭ siarednim vyras na 7%. I praciahvaje padymacca, niahledziačy na toje, što turystyčny siezon užo zavieršany.
Daražej za ŭsio arandavać kvateru na sutki ŭ Minsku. Dalej idzie Minskaja vobłaść, ceny ŭ jakoj trymaje blizkaść stalicy.
Śledam pradkazalna raźmiaścilisia dva hałoŭnyja turystyčnyja rehijony Biełarusi — Hrodzienskaja i Bresckaja vobłaści.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś3
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Kamientary