Ministerstva ekanomiki: Biełaruś moža stracić 20 młrd dalaraŭ u vyniku sankcyj JeC
Raźvićcio biełaruskaj ekanomiki znachodzicca pad pahrozaj z-za ŭstupleńnia ŭ hetym hodzie ŭ aktyŭnuju fazu dziejańnia zachodnich sankcyj, ličyć namieśnik ministra ekanomiki Dźmitryj Jaraševič. Jeŭrasajuz i ZŠA ŭviali niekalki pakietaŭ sankcyj u adkaz spačatku na fašyzacyju režymu Alaksandra Łukašenki, a paśla na hibrydnuju ahresiju suprać jeŭrapiejskich susiedziaŭ i saŭdzieł u napadzie Rasii na Ukrainu.
U svaim artykule, apublikavanym u «Ekonomičieskom biulletienie», jaki vydajecca Navukova-daśledčym ekanamičnym instytutam Minekanomiki, namieśnik ministra źviartaje ŭvahu na niekalki pahroz, jakija ŭźnikli i aktualizavalisia ŭ suviazi z sankcyjami, piša «Ekanamičnaja hazieta».
Adna ź ich źviazana z tym, što sankcyi pryviali da błakavańnia biełaruskich aktyvaŭ. Pavodle źviestak Minekanomiki, u vyniku sankcyj na terytoryi ES zamarožanyja aktyvy 26 biełaruskich kampanij, u liku jakich łakamatyvaŭ našaj pramysłovaści («Biełaruśkalij», NPZ «Naftan», «MAZ», «BiełAZ», «Hrodna Azot», «MZKC», «Hrodzienskaja tytuniovaja fabryka», «Biełkamunmaš», «Biełšyna», «Biełarusnafta», «Biełavija», «Biełteleradyjokampanija»).
Ryzyka taho, što aktyvy mohuć patrapić pad błakavalnyja sankcyi zachodnich krain, zachoŭvajecca. Adpaviedna, možna vykazać zdahadku, što subjekty haspadarańnia Biełarusi, asabliva dziaržpradpryjemstvy, mohuć bajacca raźvivać biznes u zachodnim kirunku.
A jašče adzin vyklik faktyčna vynikaje ź pieršaj prablemy. Ciažkaści dla pracy biełaruskich pradpryjemstvaŭ u zachodnim kirunku patencyjna mohuć pryvieści da značnaha skaračeńnia vyručki. Biez pryniaćcia adpaviednych mier pa pieraaryjentacyi biełaruskaha ekspartu na rynki trecich krain sankcyi, pavodle acenak, pahražajuć strataj valutnaj vyručki na 20 młrd dalaraŭ, padkreślivaje D. Jaraševič u svaim artykule. Heta vielmi istotna dla płaciežnaha bałansu krainy, udakładniŭ jon.
Taksama naroŭni sa źniešnimi namieśnik ministra ekanomiki vyłučaje i ŭnutranyja krynicy ekanamičnych pahroz. Vysokaja impartajomistaść VUP, jakaja ŭ 2020 hodzie dasiahnuła 57,9%, zastajecca strukturnaj prablemaj numar adzin dla Biełarusi, miarkuje ekanamist.
Naturalna, dla zabieśpiačeńnia stabilnaj pracy vytvorčaha siektara treba ciapier šukać novych pastaŭščykoŭ syraviny, materyjałaŭ i kamplektujučych, pakolki z-za zachodnich sankcyj raniejšyja dziełavyja suviazi razryvajucca.
Jeŭrasajuz i ZŠA ŭviali niekalki pakietaŭ sankcyj u adkaz spačatku na fašyzacyju režymu Alaksandra Łukašenki, a paśla na hibrydnuju ahresiju suprać jeŭrapiejskich susiedziaŭ i saŭdzieł u napadzie Rasii na Ukrainu.
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary