U Respublikanskim sajuzie pramysłoŭcaŭ i pradprymalnikaŭ u sieradu prajšła sustreča z namieśnikam ministra antymanapolnaha rehulavańnia i handlu Andrejem Kartunom. Padčas sustrečy čynoŭnik skazaŭ, što ciapier razhladajecca istotnaje skaračeńnie tavarnych pazicyj, ceny na jakija rehulujucca.
«Hałoŭnaja tema razmovy — prablemy cenaŭtvareńnia i praktyka prymianieńnia pastanovy Savieta Ministraŭ № 713. Pa słovach Kartuna, mnohija prapanovy RSPP uličanyja ŭ prajekcie źmianieńniaŭ u pastanovu № 713. Taksama jon paviedamiŭ, što razhladajecca istotnaje skaračeńnie pieraliku rehulavanych pazicyj, a na šerah tavaraŭ — pavieličeńnie hraničnaha pamieru nadbavak», — paviedamili ŭ RSPP pa vynikach sustrečy.
U pieršym varyjancie pastanova № 713 była padpisanaja 19 kastryčnika. Jana abmiežavała cenavyja nadbaŭki na 730 tavaraŭ. Ale nieŭzabavie pieralik źmianili, prybraŭšy, naprykład, pradmiety raskošy i kvietki. Kali mienavita prymuć novuju redakcyju dakumienta, pakul nieviadoma.
Kamientary