Biełarusa złavili ŭ Rasii z padroblenymi pravami, ale pakarali minimalna — jon «vieteran SVA»
Pa ciapierašnim rasijskim zakanadaŭstvie ŭdzieł u vajnie — aficyjnyja źmiakčalnyja abstaviny.
Ilustracyjnaje fota
Hramadzianina Biełarusi Alaksieja Pachomava, jaki jechaŭ pa Rasii na svaim Volvo V40, złavili z padroblenym paśviedčańniem kiroŭcy.
Dzie, kali i ŭ kaho mužčyna zakazaŭ paśviedčańnie, biełarus tak i nie pryznaŭsia. Ale całkam pryznaŭ vinu.
Pryaziorski haradski sud Leninhradskaj vobłaści pryznačyŭ Pachomavu try miesiacy prymusovych rabot. Heta amal minimalnaje pakarańnie: zakon dazvalaje pryznačać prymusovyja raboty na termin ad dvuch miesiacaŭ, a ŭtrymańnie z zarobku sud vyznačyŭ u pamiery 5% — samy nizki mahčymy adsotak.
Miakkaść pakarańnia sud patłumačyŭ tym, što Pachomaŭ niejki čas vajavaŭ suprać Ukrainy.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?6
Kamientary