Jarasłaŭ Čarnahor pra intervju Łukašenki: Uvažliva słuchajem, ale absalutna nie daviarajem jaho słovam
Pradstaŭnik Ministerstva zamiežnych spraŭ Ukrainy pa asablivych daručeńniach Jarasłaŭ Čarnahor, adkazny za kantakty ź biełaruskimi demakratyčnymi siłami, u kamientary vydańniu «Ukrinfarm» zajaviŭ, što źmiakčeńnie rytoryki Alaksandra Łukašenki adnosna Ukrainy źviazana z razumieńniem mahčymych nastupstvaŭ dla jaho asabista i dla biełaruskaha režymu.
Pa słovach Čarnahora, Łukašenka atrymaŭ sihnały ad Ukrainy, u tym liku paśla vizitu Śviatłany Cichanoŭskaj, intervju Uładzimira Zialenskaha i zajaŭ ministra zamiežnych spraŭ Ukrainy Andreja Sibihi, pra zaniepakojenaść uzmacnieńniem rasijskaha ŭpłyvu ŭ Biełarusi.
Na dumku dypłamata, Łukašenka zrazumieŭ, što raniejšaja žorstkaja rytoryka ŭ adras Ukrainy moža mieć surjoznyja nastupstvy, tamu pasprabavaŭ źnizić napružanaść i paprasiŭ prabačeńnia za svaje rezkija vykazvańni pra Zialenskaha.
Razam z tym Čarnahor adznačyŭ, što Kijeŭ nie maje padstaŭ całkam daviarać zajavam Łukašenki pra niežadańnie ŭdzielničać u vajnie.
«Nam treba mieć na ŭvazie, što samastojnaść Biełarusi vielmi abmiežavanaja rasijskim upłyvam. Mahčyma, asabista ŭ Łukašenki niama płanaŭ napadu na Ukrainu. Ale kali Pucin skaža, to biełaruskaja armija vykanaje hetyja zahady praz svaich kiraŭnikoŭ. Tamu ŭvažliva słuchajem, ale absalutna nie daviarajem jaho słovam», — pieraściaroh Jarasłaŭ Čarnahor.
Jon taksama zajaviŭ, što Ukraina nie maje namieru pačynać vajnu ź Biełaruśsiu, ale budzie likvidavać lubuju pahrozu, kali jana budzie pachodzić ź biełaruskaj terytoryi.
«Ja nie dumaju, što Łukašenka ŭsie tezisy svaich intervju ŭzhadniaje z Kramlom. Mahčyma, u niejkija momanty jon ščyry ŭ svaim niežadańni vajavać, bo pravilna nazvaŭ ryzyki: u vypadku niejkaha zavastreńnia vajna pierakiniecca na terytoryju Biełarusi i jon stracić jak minimum pałovu svajho ekanamičnaha patencyjału, a ŭličvajučy sučasnyja vajskovyja technałohii — drony, rakiety, — dla naniasieńnia parazy režymu Łukašenki nie treba niepasredna ŭvodzić vojski», — adznačyŭ dypłamat.
Pasoł Ukrainy pa pytańniach Biełarusi: Pazicyja Cichanoŭskaj dakładna nie pacyfisckaja
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»
Łukašenka ŭpieršyniu zaklikaŭ i Rasiju «pajści na kampramis»
Łukašenka paprasiŭ prabačeńnia ŭ Zialenskaha
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
Łukašenka pryznaŭ, što Rasija va Ukrainie nie dasiahnuła metaŭ. Patłumačyŭ heta tym, što Pucina padmanuli Vatykan i jaŭrejskaje łobi
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary