Pradavačka z Drahičynskaha rajona šeść hadoŭ praz chitryja schiemy prysvojvała sabie častku vyručki
U Drahičynskim rajonie pradavačka kramy na praciahu šaści hadoŭ, pavodle źviestak Śledčaha kamiteta, prysvojvała častku vyručki i hetym naniesła škodu na sumu bolš za 127 tysiač rubloŭ.
Žančyna była materyjalna adkaznaj asobaj i mieła dostup da kasavych hrošaj. Śledstva śćviardžaje, što jana zabirała častku najaŭnych z kasy. Akramia taho, pry prodažy darahich tavaraŭ jana afarmlała ŭ kasavym aparacie ček nibyta na bolš tanny tavar, a roźnicu pamiž sapraŭdnym koštam i sumaj u čeku pakidała sabie.
Padčas rasśledavańnia byli vyvučanyja finansavyja mahčymaści i vydatki žančyny. Vyśvietliłasia, što jaje vydatki prykładna ŭ try razy pieravyšali aficyjny zarobak. Taksama ŭstanoŭlena, što na jaje bankaŭskuju kartku rehularna ŭnosilisia najaŭnyja hrošy — ad 200 da 3 tysiač rubloŭ štomiesiac.
Pavodle materyjałaŭ spravy, za ŭvieś čas svajoj dziejnaści žančyna prysvoiła bolš za 127 tysiač rubloŭ. Hetyja hrošy, pa viersii śledstva, jana vykarystoŭvała dla pahašeńnia daŭhoŭ i asabistych patreb.
Svaju vinu pradavačka pryznała tolki častkova. Na dopycie jana zajaviła, što da jaje kampjutara nibyta mahli mieć dostup inšyja ludzi, jakija ŭnosili źmieny ŭ prahramnaje zabieśpiačeńnie i mahli štučna pavialičyć pamier niedastačy.
Adnak śledčyja pravieryli hetyja tłumačeńni i pryjšli da vysnovy, što jany nie paćviardžajucca. Było ŭstanoŭlena, što dostup da kampjutara mieli tolki asobnyja rabotniki, pry hetym usiu spravazdačnaść viała sama pradavačka, a ŭ inšych supracoŭnikaŭ nie było matyvacyi dla ŭniasieńnia niesapraŭdnych źviestak.
U vyniku rasśledavańnia była paćvierdžanaja niedastača hrašovych srodkaŭ, a taksama vyjaŭlena pierasartavańnie darahich tavaraŭ. Žančynie vystavili abvinavačańnie ŭ prysvajeńni majomaści ŭ asabliva bujnym pamiery, jakaja była davierana joj pa słužbie. Na čas śledstva jana znachodzicca pad chatnim aryštam, a na jaje majomaść koštam bolš za 100 tysiač rubloŭ nakładzieny aryšt.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1515
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?15
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary