«Litva straciła suvierenitet», «Polšča lahła pad Bajdena», «Ukrainy niama». Deputat Aleh Hajdukievič pryjšoŭ da absurdnych vysnoŭ na telebačańni
Vykazvańni deputata Pałaty pradstaŭnikoŭ, staršyni Libieralna-demakratyčnaj partyi Biełarusi Aleha Hajdukieviča prahučali ŭ kantekście ŭchvaleńnia intehracyi z Rasijaj u prapahandysckaj prahramie «Kłub redaktaraŭ» na «Biełaruś 1», jakuju viadzie staršynia Biełteleradyjokampanii Ivan Ejsmant.
Zajavy Hajdukieviča — jaskravy prykład taho, da jakich absurdnych vysnoŭ možna pryjści, budujučy psieŭdałahičnyja łancužki i sprabujučy apraŭdać dziejańni łukašenkaŭcaŭ.
«Voś pravilna pačali z zahałoŭkaŭ zamiežnaj presy, a ja b chacieŭ tam bačyć bolš praŭdzivyja zahałoŭki, voś hladzicie: «Litva straciła suvierenitet», «Polšča lahła pad Bajdena», «Hiermanija nie moža supraciŭlacca cisku Vašynhtona», «Ukrainy niama». A čamu ja kažu pra hetyja zahałoŭki? Vielmi cikavaja łohika ŭ našych zachodnich partnioraŭ.
Kali ty buduješ vajskovy sajuz z ZŠA, kali ty addaŭ usiu svaju źniešniuju palityku, unutranuju va ŭhodu Vašynhtonu, jak Litva, jaje ž niama, tolki na karcie zastałasia terytoryja i narod, jaki tam žyvie. Samoj krainy niama, tamu što jana nie maje svajoj źniešniaj palityki, svajoj unutranaj palityki, jana ŭsio robić, jak choča Vašynhton. Heta nie strata suvierenitetu? Pa łohicy zachodnich partnioraŭ — heta baraćba za demakratyju i svabodu.
A voś kali ty buduješ sajuz z Rasijaj, vajskovy, ekanamičny, palityčny — heta strata suvierenitetu. Heta pieršy fejk. Samaje dziŭnaje, što kali ty z Kitajem buduješ sajuz, — heta strata suvierenitetu. Kali ty ź Blizkim Uschodam razmaŭlaješ na roŭnych — heta taksama strata suvierenitetu. Usio, što ty robiš nasupierak Vašynhtonu, — heta strata suvierenitetu», — skazaŭ Aleh Hajdukievič.
Paśla deputat zapeŭniŭ, što Biełaruś i Rasija robiać usio, kab vialikaj vajny ŭ Jeŭropie nie było i kab va Ukrainu chutčej pryjšoŭ mir. Heta nijak nie suadnosicca z realnaściu, u jakoj Rasija raspačała złačynnuju vajnu z Ukrainaj, pačaŭšy nastup na Kijeŭ z terytoryi Biełarusi 24 lutaha 2022 hoda. Alaksandr Łukašenka spryjaje vajennaj padrychtoŭcy rasijskich sałdat dla adpraŭki va Ukrainu i pieradaje Rasii biełaruskuju vajskovuju techniku. Terytoryja Biełarusi vykarystoŭvałasia i dla rakietnych atak pa Ukrainie.
-
Cichanoŭskaja: Biełaruskija ŭłady zaklikajuć žančyn naradžać, ale paśla naradžeńnia dziciaci mnohija sutykajucca ź finansavaj jamaj
-
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie
-
U vieraśni Polšča dała mižnarodnuju abaronu 24 hramadzianam Biełarusi
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie8
Kamientary