Recept na vychadnyja. Aładki z ananasami: niezvyčajnaja strava, dzieciam spadabajecca
Ad vyhladu hetych aładak u kožnaha ślińki paciakuć. A padavajcie ich z marožanym — asabliva siudy pasuje maroziva z kakosavym smakam.
Fota: BBC Food
Kab zhatavać aładki z ananasami, vam spatrebicca:
- 135 hramaŭ muki
- 1 čajnaja łyžka razrychlalniku
- drobka soli
- 1 stałovaja łyžka cukru
- 125 mililitraŭ małaka
- 1 jajka
- 2 stałovyja łyžki rastoplenaha masła + jašče trochi dla smažańnia
- banka kansiervavanych ananasaŭ (parezanych kołcami), ź jaje treba źlić sok
- pa žadańni: klanovy ci luby inšy sirop dla padačy
- Źmiašajcie ŭ vialikaj miscy muku, razrychlalnik, sol i cukar.
- Nalicie ŭ asobny zban małako i rastoplenaje masła, raźbicie jajka i dobra ŭsio ŭźbicie videlcam.
- Ulicie vadkaść u mučnuju sumieś i ŭźbicie videlcam da adnastajnaści.
- Rastapicie ŭ patelni na siarednim ahni kavałačak masła. Pakładzicie tudy dźvie maleńkija łyžki ciesta, kab u vyniku ŭ vas atrymalisia aładki, krychu bolšyja pa pamiery za kołca ananasa. Smažcie aładki 15 siekund, potym pakładzicie na kožnuju ź ich pa kołcy ananasa.
- Kali na vierchniaj častcy aładki źjaviacca burbałki, pieraviarnicie jaje i piačycie, pakul aładka nie nabudzie załacista-karyčnievy koler i taŭščyniu prykładna ŭ 1 santymietr.
- Paŭtarajcie, pakul nie skončycca ŭsio ciesta. Aładki možna padavać ź siropam, z marožanym ci sami pa sabie.
Kamientary
ale da ich čeści treba skazać, što jany i nie abiacali dziŭny smak, a skazali, što "Ad vyhladu hetych aładak u kožnaha ślińki paciakuć." tak - na fota jany apietytnyja
što zdaryłasia? atrymali śpiecnabor z rabčykami i ananasami da rastva, pažrali narešcie ŭpieršyniu ŭ žyćci nie pustuju kućciu i... z vas kamunistyčnyja vieršy papiorło ł?