U Mahilovie abviaścili zbor srodkaŭ na ŭstalavańnie skulpturnaha pomnika Alaksandru Dembavieckamu, samamu viadomamu i paśpiachovamu z mahiloŭskich hubiernataraŭ časoŭ Rasijskaj Impieryi, paviedamlaje telehram-kanał «Mahiloŭ — moj horad».
Miarkujecca, što skulptura moža źjavicca ŭ parku imia Horkaha — tym samym parku, jaki da revalucyi nasiŭ imia samoha Dembavieckaha i jaki byŭ pry im stvorany.
Alaksandr Dembaviecki kiravaŭ Mahiloŭskaj hubierniaj u 1872 — 1893 hadach i pakinuŭ značny śled u žyćci rehijona. Pry im u hubierni pačaŭsia ekanamičny i sacyjalny rost, byli realizavanyja maštabnyja sacyjalnyja prajekty.
U Mahilovie byli ŭźviedzienyja manumientalnyja, hłybokija pa architekturnym źmieście budynki Alaksandraŭskaha realnaha vučylišča, Mahiloŭskaha žanočaha duchoŭnaha vučylišča, haradskoha dramatyčnaha teatra, Mahiloŭskaj fielčarskaj škoły, Mahiloŭskaj žanočaj himnazii, Hubiernskaha dvaranskaha schodu, budynak haradskoj upravy.
Akramia taho, Dembaviecki — inicyjatar vydańnia i redaktar fundamientalnaj kalektyŭnaj pracy «Vopyt apisańnia Mahiloŭskaj hubierni».
Historykam nie viadoma amal ničoha pra pachodžańnie i rannija hady žyćcia Dembavieckaha. Isnuje lehienda, što baćkam Alaksandra Dembavieckaha nibyta byŭ sam rasijski impieratar Alaksandr II.
Zastajecca tajamnicaj i data jaho śmierci. Apošniaja dakładna viadomaja data žyćcia byłoha hubiernatara, zafiksavanaja ŭ dakumientach, — 25 kastryčnika 1918 hoda. Viadoma, što paśla revalucyi jon pryniaŭ litoŭskaje hramadzianstva i znachodziŭsia pad abaronaj Hiermanskaj Impieryi.
Čytajcie taksama:
U Mahilovie źbirajucca ŭstalavać miemaryjalnuju šyldu Barysu Maisiejevu
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary