Što pahladzieć. «Terapija» (Shrinking) — kamiedyja pra psichaterapiju z Charysanam Fordam
Dziejańnie ŭ sieryjale razhortvajecca niaśpiešna, i vam navat moža padacca, što ničym aryhinalnym «Terapija» nie vyłučajecca. Ale kali pacierpicie zusim troški, to hetaja historyja ź vielmi śmiešnymi momantami i pryvabnymi hierojami, dy jašče i z Charysanam Fordam sapraŭdy vas zacikavić.
U centry historyi ad Apple TV+ — Džymi, psichaterapieŭt, jon baluča pieražyvaje śmierć žonki i ličyć siabie vinavatym. Ciažki stan vymušaje Džymi častkova daručyć vychavańnie dački-padletka susiedcy, a taksama stavić pad pahrozu jaho prafiesijnaje žyćcio, raskazvaje cnn.com.
Stomleny ad supieražyvańnia ludziam, Džymi pačynaje ščyra kazać svaim pacyjentam, što jon dumaje pra ich i pra ich stan, navat kali časam heta drenna suadnosicca ź psichaterapieŭtyčnaj etykaj i normami terapii. Usio heta turbuje kaleh Džymi — Habi i Poła. Habi pry hetym sutykajecca z raspadam ułasnaha šlubu, a Poł — z rańnimi stadyjami chvaroby Parkinsana.
U kožnaha ŭ hetaj historyi — svaje prablemy i słabyja miescy. Z časam Džymi znachodzić u sabie siły, kab sabrać svajo žyćcio nanava, ale ŭ jaho zastajecca siamiejnaja prablema: dačka Elis jaho nie lubić ad słova zusim. Jana pasiabravała z susiedkaj i z Połam, jaki ŭsio nijak nie moža raskazać ułasnaj dačce pra svaju chvarobu Parkinsana.
Usio pačynaje mianiacca, kali da Džymi prychodzić novy klijent — ciemnaskury vieteran Šon sa svaimi armiejskimi psichatraŭmami i ahresiŭnaściu. Džymi šukaje niezvyčajnyja sposaby terapii: naprykład, pasiaredzinie terapieŭtyčnaj siesii jon z Šonam niečakana apynajecca ŭ baksiorskaj zale, ale ŭ vyniku Šon paśla svarki pravodzić noč u turmie i jaho vyhaniajuć z baćkoŭskaha doma.
Sieryjał pryvablivaje dobrym humaram i jaskravymi hierojami.
Rejtynhi na vialikich suśvietnych resursach:
IMDB — 7,7/10
Rotten Tomatoes — 82% (krytyki), 86% (hledačy)
Samy niedaacenieny sieryjał hoda. Čamu varta pahladzieć «Raździaleńnie», kali vy jaho prapuścili
Liniejka filmaŭ Netflix na 2023 hod vyhladaje niebahata, ale cikava
«Pieryfieryjnyja pryłady» (The Peripheral) — fantastyčny sieryjał ad stvaralnikaŭ «Śvietu Dzikaha Zachadu»
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii13
Kamientary