Siem tysiač jeŭra na patreby siamji Paŭła Sieviarynca sabrali za ličanyja hadziny
Učora Pavieł adkryŭ zbor na adnaŭleńnie publičnaj dziejnaści
Paśla bolš jak 11 hadoŭ za kratami i prymusovaj departacyi ź Biełarusi Pavieł razam ź siamjoj apynuŭsia ŭ vyhnańni biez dakumientaŭ i biez mahčymaści praciahvać svaju pracu. Ciapier jon płanuje adnavić publičnuju dziejnaść i prosić padtrymki ŭ hramadstva, adkryŭšy zbor na płatformie «Bajsoł».
U płanach Paŭła Sieviarynca:
- zapuścić YouTube-kanał dla biełarusaŭ,
- vypuskać videa pra historyju i sučasnaść,
- vydać knihi, napisanyja ŭ źniavoleńni.
Patrebnyja srodki na abstalavańnie, vydańnie knih i zapusk kanała. Pavieł užo zapłaciŭ za svaju pazicyju hadami źniavoleńnia. Zaraz jon choča praciahvać pracu — i jamu patrebnaja salidarnaść biełarusaŭ.
Kali vam važna, kab biełaruskija hałasy hučali i ŭ vyhnańni, zaklikaŭ Pavieł, — padtrymajcie hety zbor.
Suma zboru — €7000
- Abstalavańnie: kamiera, huk — €800; śviatło — €200
- Častkovaja kampiensacyja druku knihi turemnych malunkaŭ, vieršaŭ i vysłoŭjaŭ — €2500
- Raźvićcio ŭłasnaha Youtube-kanała — €1000
- Arhanizacyja prezientacyj knih u Litvie, Polščy i Ukrainie — €1000
- Vyrab sieryi rolikaŭ pa historyi i mientalitecie biełarusaŭ — €1500
Hrošy sabrali za ličanyja hadziny. Na 9:00 sierady sabrana 7 917 jeŭra, zbor praciahvajecca.
Kamientary