Śviet22

ZŠA ŭdaryli pa sietcy, jakaja dapamahała Rasii i Biełarusi abychodzić sankcyi. Zhadvajecca i Alaksandr Zajcaŭ

ZŠA pryniali miery suprać 22 fizičnych i jurydyčnych asob u roznych krainach, źviazanych ź sietkaj uchileńnia ad sankcyj, jakaja padtrymlivała vajskova-pramysłovy kompleks Rasii i Biełarusi, paviedamiła ŭ svaim pres-relizie Ministerstva finansaŭ ZŠA.

Śćviardžajecca, što sietkaj kiravaŭ handlar zbrojaj Ihar Zimiankoŭ, jaki bazirujecca ŭ Rasii i na Kipry. Jon ciesna supracoŭničaŭ sa svaim synam Džonatanam Zimiankovym i šyrokaj sietkaj fizičnych i jurydyčnych asob, kab zabiaśpiečyć prodaž rasijskaj abaronnaj pradukcyi ŭradam trecich krain. U sietku Zimiankova ŭvachodzili arhanizacyi, jakija znachodziacca ŭ Rasii, Łatvii, Sinhapury, Bałharyi, Izraili i na Kipry.

Akramia pastavak zbroi, Zimiankovy dapamahali pastaŭlać u RF vysokatechnałahičnaje abstalavańnie. U tym liku jany supracoŭničali ź dziaržkarparacyjami «Rastech» i «Rasabaronekspart», jakija znachodziacca pad sankcyjami.

Taksama ŭ śpis trapiŭ kiprski zbrojny brokier Alaksandr Valfovič, jaki źjaŭlajecca zarehistravanym uładalnikam šaści kampanij u «sietcy Zimiankova», a taksama dvoje jahonych synoŭ — Stanisłaŭ Valfovič i Aryel Valfovič. Adnosna ich paviedamlajecca, što jany «ihrajuć kirujučyja roli ŭ arhanizacyjach «sietki Zimiankova».

Siarod siami kampanij Zimiankova — GBD, jakaja zajmałasia pastaŭkami zbroi ŭ krainy Afryki, čatyry kiprskija firmy Mateas, Kliosa, VFC Solutions i GMI Global Manufacturing & Integration, a taksama bałharskaja U-Stone i izrailskaja D. E. S. Defense Engineering Solutions.

Taksama, pavodle infarmacyi Minfina ZŠA, Ihar Zimiankoŭ padtrymaŭ «biełaruski vajskova-pramysłovy kompleks, spryjajučy prodažu biełaruskaha abaronnaha pradpryjemstva DVTUP «Biełśpiecźnieštechnika» ŭ Łacinskaj Amierycy», jakoje znachodzicca pad sankcyjami.

Akramia taho, u pres-relizie zhadvajecca padsankcyjny biełaruski biznesmien Alaksandr Zajcaŭ, jaki źjaŭlajecca, pavodle vykładzienaj infarmacyi, dziełavym partnioram «vysokapastaŭlenaha supracoŭnika «sietki Zimiankova» Marksa Błatsa.

Čytajcie taksama:

Łukašenkaŭski «biznesmien udačy» Alaksandr Zajcaŭ staŭ rycaram papskaha ordena. U hetaj historyi jość niuansy

Biznesoviec Zajcaŭ zarehistravaŭ «Biełkosmas»

Kamientary2

  • J
    01.02.2023
    Amierika spasibo!
    Nado jeŝie potierieť i budut vidny uši Aleksandra Zinhmana i Šiejmana.
  • Užie trut
    02.02.2023
    J,potrut, obiazatielno potrut, nie zria škłovsko-aleksandrijskij samorodok, lično, motałsia v Zimbabvie.

Ciapier čytajuć

«Adny vierać, što viernucca, inšyja — nie». Jak pracuje biełaruskaja škoła ŭ Polščy

«Adny vierać, što viernucca, inšyja — nie». Jak pracuje biełaruskaja škoła ŭ Polščy

Usie naviny →
Usie naviny

Zatrymali dziaŭčynu, jakaja doŭhi čas stałkieryła Alaksandra Rybaka10

U Minsku za «zdradu dziaržavie» na 9 hadoŭ asudzili 60-hadovaha prahramista5

Ukraina naniesła ŭdar pa bazie rasijskich dronaŭ u Krymie1

Vakansija ŭ «Našaj Nivie»: mantažor tyktokaŭ 5

Praviali pieratrus u byłoha daradcy Trampa pa nacyjanalnaj biaśpiecy2

Biełaruskamoŭnyja pieśni Jarasłava Jeŭdakimava, jakomu pry Łukašenku zabaranili vystupać — padborka4

U Minsku piensijanier zasumavaŭ pa palavańni i streliŭ u kata

U kamiteta pa zdaroŭi Minska źjaviŭsia novy kiraŭnik. Papiaredniaha zatrymali, ale ŭłady pra heta maŭčać5

Łukašenka lściŭsia da Trampa, pachvaliŭ Paźniaka i admoviŭsia ad pieramoŭ z apazicyjaj57

bolš čytanych navin
bolš łajkanych navin

«Adny vierać, što viernucca, inšyja — nie». Jak pracuje biełaruskaja škoła ŭ Polščy

«Adny vierać, što viernucca, inšyja — nie». Jak pracuje biełaruskaja škoła ŭ Polščy

Hałoŭnaje
Usie naviny →

Zaŭvaha:

 

 

 

 

Zakryć Paviedamić