Ekśpiert adkazaŭ, ci zmoža rasijski «Łancet» padbivać zachodnija «Leapardy» i «Abramsy»
Ci zmoža dron «Łancet», jaki rasijanie nazyvajuć svajoj «cuda-zbrojaj», vyvieści z ładu tanki «Leapard» abo «Abrams», pastaŭku jakich va Ukrainu pačynaje Zachad?
Vajskovy ekśpiert Aleh Ždanaŭ kaža, što pa tych charaktarystykach «Łanceta», jakija viedajuć ukrainskija vajskoŭcy, «jon i ŭkrainskija tanki nie asabliva vyvodzić z ładu». Pavodle Ždanava, hety dron bolš «idzie pa lohkabraniravanaj i niebraniravanaj technicy».
Pa-druhoje, u jaho nie vielmi maleńkija pamiery i nievialikaja vaha, što, jak ličyć ekśpiert, — «vielizarny plus», hety dron «moža być złoŭleny navat maskirovačnaj sietkaj», zabłytacca ŭ joj i nie dalacieć da celi. Jość fota, na jakim bačna, jak ukrainskija vajskoŭcy vyratavali samachodnuju haŭbicu Krab, nakryŭšy maskirovačnaj sietkaj.
Siarod zahanaŭ drona Ždanaŭ nazyvaje i toje, što «Łancet» kirujecca apierataram i maje zatrymku videasihnału ŭ niekalki siekund, što mocna ŭskładniaje apierataru naviadzieńnie.
Tearetyčna, kaža Ždanaŭ, i ručny hranatamiot moža padbić tank, kali patrapić u patrebnaje miesca. Ale, na dumku ekśpierta, dla «Łanceta» — składanaja zadača vyvieści z ładu takija tanki, jak «Leapard» abo «Abrams».
Pra rasijskija drony «Łancet» zahavaryli letam minułaha hoda. Ich vytvorčaściu zajmajecca kampanija Zala kancerna «Kałašnikaŭ». Maksimalnaja chutkaść drona apošniaj madyfikacyi («Łancet-3») składaje 110 km/h pry haryzantalnym palocie i 300 km/h pry atacy celi. Dalokaść dziejańnia — 40-50 km. Sam BPŁA važyć kala 12 kh, ź jakich bajavaja častka (askiepkava-fuhasnaja) — da 5 kh. Taki aparat moža prabyć u pavietry kala hadziny. Ministerstva abarony Rasii nazyvaje jaho samym efiektyŭnym rasijskim BPŁA.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary