Apublikavanyja pieršyja padrabiaznaści 10-ha pakieta sankcyj ES suprać Maskvy
Ahienctva Bloomberg i vydańnie Politico paviedamlajuć pieršyja padrabiaznaści štrafnych mier, jakija amal dakładna ŭvojduć u čarhovy, 10-y pa liku pakiet sankcyj Jeŭrasajuza, nakiravanych na spynieńnie vajny va Ukrainie.
Pra hetyja płany kiraŭnik kancylaryi Ursuły fon der Lajen prainfarmavaŭ pastajannych pradstaŭnikoŭ krain — členaŭ Jeŭrasajuza ŭ Brusieli na minułych vychadnych.
U liku padrabiaznaściaŭ sankcyjnaha pakieta, jakija vyciakli ŭ presu napiaredadni farmalnaha abmierkavańnia, paviedamlajecca nastupnaje.
— Abmiežavalnyja miery buduć uviedzieny suprać jašče čatyroch rasijskich bankaŭ, u tym liku i Alfa-banka — najbujniejšaj u krainie pryvatnaj kredytnaj arhanizacyi, jakaja naležyć Michaiłu Frydmanu.
— Hramadzianam Rasii zabaroniać znachodzicca ŭ radach dyrektaraŭ «krytyčna važnych infrastrukturnych kampanij» Jeŭrasajuza, u pryvatnaści, u halinie zdabyčy, vytvorčaści i pastaŭki enierhanośbitaŭ.
— Śpis fizičnych asob, u dačynieńni da jakich dziejničajuć piersanalnyja sankcyi, papoŭnicca jašče prykładna 130 imionami. U ich liku — pradstaŭniki kamandavańnia rasijskimi vojskami, pryznačanyja Maskvoj čynoŭniki samaabvieščanych «rasijskich rehijonaŭ», a taksama supracoŭniki łajalnych Maskvie prapahandysckich ŚMI nakštałt RT.
— Dadatkovyja zabarony płanujecca ŭvieści na impart u ES rasijskaha kaŭčuku, a taksama asfaltu abo bitumu (abo inšych praduktaŭ pierapracoŭki nafty).
— U Rasiju chočuć zabaranić uvozić hruzavyja aŭtamabili, inšyja ciažkija transpartnyja srodki, pompy i inšaje abstalavańnie, jakoje vykarystoŭvajecca ŭ budaŭničym siektary.
Politico taksama ŭdakładniaje, što z vysokaj dolaj vierahodnaści ŭ pakiet buduć uklučany dadatkovyja zabarony na ekspart elektronnych kampanientaŭ padvojnaha pryznačeńnia — heta značyć tych, što mohuć być vykarystany dla vytvorčaści zbroi.
-
Čałaviekam, jakoha ŭčora zastrelili la rezidencyi Trampa ŭ Fłarydzie, akazaŭsia chłopiec, jaki zachaplaŭsia malavańniem paloŭ dla holfa
-
Kim Čen Yna pieraabrali na pasadu hienieralnaha sakratara Pracoŭnaj partyi KNDR
-
U Mieksicy vajskoŭcy zabili hałoŭnaha narkabarona. U adkaz jaho chaŭruśniki palać samaloty i aŭtobusy
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary