«90% vybirajuć biudžetnyja bukiety i płaciać kartaj rasterminoŭki». Kolki ŭ Minsku ciapier kaštujuć kvietki i jaki na ich popyt
Dzień minuŭ, ale napieradzie 8 sakavika — dzień, kali žančynam taksama tradycyjna masava dorać kvietki. Sajt Blizko.by daviedaŭsia, u jakim canavym dyjapazonie znachodziacca ciulpany i kolki hrošaj žychary Minska hatovyja vydatkavać na bukiet.
«U pieršuju čarhu, treba źviartać uvahu, ci śviežyja kvietki. Kali vybar staić pamiž adkrytymi i zakrytymi butonami, lepš vybirać, viadoma, druhija. Vytvorcaŭ ciulpanaŭ možna padzialić na biełaruskich i hałandskich. Pieršyja nie vielmi dobraj jakaści, — raspaviadaje Siarhiej, dyrektar kvietkavaj kramy. — Jak z hradki, a druhija, heta značyć, hałandskaja cybulina, zusim inakš vyhladajuć».
Zvyčajny pakupnik naŭrad ci vizualna vyznačyć, dzie jaki vytvorca, ale pry žadańni moža vyvučyć infarmacyju i zadać fłarystu kankretnyja pytańni.
Jakaja ciapier siaredniaja cana ciulpanaŭ i jakuju varta čakać?
«Ciapier u Minsku ceny na ciulpany varjirujucca ad 3 da 4 rubloŭ za štuku. 8 sakavika jany buduć kaštavać kala 3-3,5 rubla, ale, jak praviła, u kvietkavych kramach kolkaść upłyvaje na vynikovuju canu».
Dzie lepš kuplać: u pierachodzie, u kramie ci na «Kamaroŭcy»?
«Lepš kuplać u kramie, a nie na vulicy la pierachoda, dzie jany ŭžo paśpiejuć zamarozicca i abvietrycca pierad tym, jak vy ich kupicie. — U śpiecyjalizavanych kramach zaŭsiody jakaść budzie lepšaj. Tak, košt vyšejšy, ale heta ŭžo pytańnie pryjarytetaŭ.
Jakija bukiety čaściej za ŭsio kuplajuć na śviaty?
«Na 8 sakavika ŭ lubym vypadku kuplajuć ciulpany, tamu što cana adyhryvaje važnuju rolu, a na 14 lutaha — ružy, ciulpany i chryzantemy tradycyjna ŭ pryjarytecie. Paraić niejki peŭny bukiet nie mahu — usio ŭpirajecca ŭ toje, kolki čałaviek hatovy na jaho vydatkavać.
Na prykładzie minułaha Dnia ŭsich zakachanych mahu skazać, što biudžety ŭ ludziej skaracilisia:
90% naviedvalnikaŭ kramy vybirajuć, pa-pieršaje, samyja biudžetnyja varyjanty, pa-druhoje, apłačvajuć ich kartaj rasterminoŭki.
Tamu składana skazać, kolki ŭ siarednim ludzi hatovyja vydatkavać na bukiet. Napeŭna, kala 50 rubloŭ».
Čytajcie taksama:
Vocatnaje dreva i «pomsta susieda». Hetaja raślina ŭvachodzić u modu ŭ Biełarusi, bo jana i pryhožaja, i praktyčnaja
Na Kamaroŭcy źjavilisia pieršyja ciulpany. Kolki jany kaštujuć?
Ciapier čytajuć
Łukašenku na śviacie ŭ Aleksandryi supravadžała aficer Zajcava20
Kamientary
voś užo sapraŭdy - žił-był chudožnik nie odin...