U kastryčniku 2021 hoda sud Leninskaha rajona Mahilova asudziŭ Valancina Łabačova da 1,5 hoda kałonii za karcinku, jakaja nibyta abraziła Łukašenku. Jon adbyvaŭ pakarańnie ŭ navapołackaj PK-1, a ciapier vyjšaŭ na volu, paviedamlaje Mayday.team.
Pavodle materyjałaŭ śledstva, Valancin Łabačoŭ u červieni 2020 hoda raźmiaściŭ karcinku ŭ adnym z zabaronienych tielehram-kanałaŭ z nadpisam, jaki mieŭ, na dumku dziaržaŭnaha abvinavačańnia, abraźlivy charaktar i byŭ skiravany ŭ adras Alaksandra Łukašenki.
Na Łabačova zaviali kryminalnuju spravu pa art. 368 KK Biełarusi, ale pad vartu da suda Valancina źmiaščać nie stali.
Padčas sudovaha pracesu vyśvietliłasia, što linhvistyčnaja ekśpiertyza nieadnaznačna rascaniła nadpis na malunku, nie nazvaŭšy jaho abražajučym honar i hodnaść Łukašenki, ale Valancina Łabačova ŭsio ž asudzili. Taksama jon byŭ uniesieny MUS u tak zvany «śpis ekstremistaŭ».
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary