Za kratami jon byŭ z 3 červienia 2021 hoda.
Žurnalist «Trybuny» Alaksandr Ivulin vyjšaŭ z kałonii i pakinuŭ Biełaruś.
«Usie hetyja 624 dni, pakul my nie bačylisia, vam było našmat składaniej, čym mnie. Vas pałochała nieviadomaść. Vy nie viedali, jak ja i što sa mnoj. Nie viedali, jak mnie dapamahčy. Pry hetym rabili ŭsio mahčymaje, kab pa toj bok płota mnie žyłosia krychu praściej. Rabili tak šmat, što ja pakul nie mahu ŭśviadomić uvieś maštab.
Sory, pišu hety tekst i prosta trasucca ruki, a da vačej padstupaje kandensat. Heta ŭsio praz vas, nievierahodnyja biełarusy!
Nizki pakłon usim i kožnamu za salidarnaść i padtrymku. Heta vielmi kaštoŭna. Heta nie zabyvajecca.
Zusim chutka ŭbačymsia i pahamanim.
Abniaŭ usich vas, maje charošyja», — napisaŭ žurnalist u instahramie.
Aŭtar kanała «ČiestnOK» i futbalist «Krumkačoŭ» znachodziŭsia za kratami z 3 červienia 2021-ha. 19 studzienia 2022-ha sud daŭ Ivulinu dva hady kałonii za ŭdzieł u mirnych pratestach. Jon poŭnaściu adbyŭ termin.
Kamientary