Najbolš biełarusaŭ vučyłasia ŭ Varšaŭskim univiersitecie — 490 čałaviek.
10 710 biełaruskich studentaŭ prachodzili navučańnie ŭ polskich VNU ŭ zimovym siemiestry 2025/2026 navučalnaha hoda (na 31 śniežnia 2025 hoda). Pra heta havorycca ŭ aficyjnym adkazie namieśnika ministra navuki i vyšejšaj adukacyi Polščy Andžeja Šeptyckaha na adpaviedny zapyt namieśnika kiraŭnicy Abjadnanaha pierachodnaha kabinieta, kiraŭnika NAU Paŭła Łatuški, paviedamlaje telehram-kanał APK.
Zhodna z pradstaŭlenaj infarmacyjaj, najbolš biełarusaŭ vučyłasia ŭ Varšaŭskim univiersitecie — 490 čałaviek.
U lidarach taksama Univiersitet Maryi Kiury-Składoŭskaj u Lublinie — 486, Univiersitet imia Adama Mickieviča ŭ Poznani — 453, Polska-Japonskaja akademija kampjutarnych technałohij — 405 i Jahiełonski ŭniviersitet u Krakavie — 391.
Akramia taho, prynamsi 566 biełaruskich studentaŭ zdabyvajuć adukacyju ŭ miedycynskich VNU Polščy, a 54 biełaruskija navukoŭcy i daśledčyki pracujuć u polskich akademičnych ustanovach.
Pradstaŭnik APKU pa nacyjanalnym adradžeńni Pavieł Barkoŭski adznačyŭ, što vialikaja kolkaść biełaruskich studentaŭ u Polščy śviedčyć pra vybar mnohimi maładymi ludźmi i ich baćkami jakasnaj jeŭrapiejskaj adukacyi zamiest ideałahizavanaha navučańnia ŭ Biełarusi:
«Kolkaść našych studentaŭ u paasobnych univiersitetach Polščy stvaraje vialikija ziamlactvy, ź jakich, chočacca vieryć, vyjduć tyja ludzi, chto paśla vierniecca źmianiać Biełaruś. Ź inšaha boku, na žal, my nazirajem i niehatyŭny trend — skaračeńnie kolkaści biełaruskich navučencaŭ za apošni hod, što stała vynikam źmieny ŭmoŭ pryjomnaj kampanii. Spadziajusia, adnak, heta nie budzie mieć praciahłaha efiektu ŭ budučyni», — skazaŭ jon.
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram20
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary