Jak siońnia ŭ Minsku budzie pracavać hramadski transpart?

U subotu z 8:00 da 21:30 pavialičana kolkaść ruchomaha składu na aŭtobusnych maršrutach №1, 24 i 69. Z 10:00 da 19:00 — na aŭtobusnym maršrucie №100.

Taksama mierkavana da 00:00 budzie admienieny prypynak «Pałac sportu» na praśpiekcie Pieramožcaŭ dla ŭsich maršrutaŭ pasažyrskaha transpartu, jakija tam prachodziać.

U suviazi z abmiežavańniem ruchu na pr. Pieramožcaŭ dla ŭsich vidaŭ transpartu z 18:00 da zakančeńnia śviatočnych mierapryjemstvaŭ uniesieny źmieny ŭ schiemy ruchu šerahu aŭtobusnych maršrutaŭ. Kali nie paznačana inšaje, prypynačnyja punkty absłuhoŭvajucca:

• aŭtobusy №1, 69 i 119S buduć kursiravać pa pr. Pieramožcaŭ, Mašerava, vuł. Cimirazieva, Kalvaryjskaj, Ramanaŭskaj Słabadzie, Haradskim Vału, pr. Niezaležnaści i dalej pa maršrutach u abodvuch napramkach biez absłuhoŭvańnia prypynačnaha punkta «Vaładarskaha». Dla maršrutu №119S na źmienienym učastku praduhledžany prypynki «Muziej historyi Vialikaj Ajčynnaj vajny», «Cimirazieva», «Stancyja mietro «Frunzienskaja»», «Haradski Vał», «Ramanaŭskaja Słabada»;

• maršrut №73 u pramym napramku budzie arhanizavany pa vuł. Maskoŭskaj, K. Cetkin, Cimirazieva, pr. Mašerava, Pieramožcaŭ i dalej pa maršrucie; u zvarotnym napramku — pa pr. Pieramožcaŭ, Mašerava, vuł. Cimirazieva, Kalvaryjskaj, Ramanaŭskaj Słabadzie, Niamizie;

• aŭtobus №91 ad pr. Pieramožcaŭ budzie kursiravać pa pr. Mašerava, vuł. Cimirazieva, Kalvaryjskaj, Ramanaŭskaj Słabadzie, Niamizie i dalej pa maršrucie ŭ abodvuch napramkach;

• maršrut №163 u pramym napramku budzie arhanizavany pa vuł. Maskoŭskaj, K. Cetkin, Kalvaryjskaj i dalej pa maršrucie; u zvarotnym napramku — pa vuł. Kalvaryjskaj, Ramanaŭskaj Słabadzie, Niamizie.

Važna adznačyć, što z ulikam darožnaj situacyi, jakaja składvajecca, z 8:00 da 18:00 12 vieraśnia mahčyma abmiežavańnie ruchu transpartu (za vyklučeńniem hramadskaha) na nastupnych učastkach:

• na padjomie z vuł. M. Bahdanoviča na pr. Pieramožcaŭ;
• na spusku z pr. Pieramožcaŭ na vuł. M. Bahdanoviča.

Z 18:00 i da zakančeńnia mierapryjemstvaŭ ruch budzie abmiežavany dla ŭsich vidaŭ transpartnych srodkaŭ:

• na padjomie z vuł. M. Bahdanoviča na pr. Pieramožcaŭ;
• na spusku z pr. Pieramožcaŭ na vuł. M. Bahdanoviča;
• na ŭčastku ad vuł. Internacyjanalnaj da vuł. Mielnikajcie.

Akramia taho, pobač z Pałacam sportu i na terytoryi Vierchniaha horada ŭviečary buduć dziejničać abmiežavańni na spynieńnie i stajanku aŭtamabilaŭ.

Dla biaśpieki hramadzian padčas zapusku fiejervierkaŭ mahčyma časovaje ŭviadzieńnie abmiežavańniaŭ na spynieńnie, stajanku i ruch transpartu na ŭčastkach, prylehłych da miescaŭ raźmiaščeńnia puskavych ustanovak.

Akramia taho, staličnaje mietro taksama budzie pracavać pa źmienienym hrafiku: intervał ruchu ciahnikoŭ na Maskoŭskaj i Aŭtazavodskaj linijach z 9:00 da 00:00 składzie čatyry chviliny, na Zialonałužskaj linii — siem chvilin.

• 0
• 0
• 0
• 0
• 0
• 0
• 0
• 0