Biełaruska naradziła trojniu — usie dziaŭčynki. Ciapier prosić u Łukašenki kvateru ŭ Minsku, bo Hod biełaruskaj žančyny
Mienš čym za sutki zvarot 25‑hadovaj Anhieliny Kaminskaj sabraŭ 3,5 miljona prahladaŭ, a ŭ «Maci i dzicia» administracyja ŭžo staić na vušach.
Raniej Anhielina pracavała miedsiastroj u reanimacyi ŭ minskaj radzilni №1, a taksama rabiła torty na zamovu. A 28 žniŭnia jana stała adrazu šmatdzietnaj maci. Na 35 tydni biełaruska naradziła troch dziaŭčynak vahoj 2130, 2050 i 1940 hramaŭ. Nazvali ich Stefanija, Jasienija i Jeva.
U svaim błohu ŭ instahramie Anhielina raspaviadaje, što nie rabiła EKA, a ciažarnaść nastupiła naturalnym šlacham. Pakolki dziaŭčynki naradzilisia niedanošanymi, to pieršy čas dźvie ź ich byli ŭ reanimacyi pad nahladam miedykaŭ.
Ciapier usie dočki ŭžo razam z maci ŭ RNPC «Maci i dzicia». Učora Anhielina zapisała videazvarot da Łukašenki. Pačała z padziaki za try «baćkavyja kašuli», jakija atrymała ŭ padarunak (sioleta ŭ miežach akcyi «Treci — baćkaŭ» pry naradžeńni treciaha dziciaci ŭručajuć draŭlany kufar ź ilnianoj kašulaj i razdrukavanaj lehiendaj).
Maładaja maci kaža, što, pakolki ŭ hod Biełaruskaj žančyny padaryła krainie troch cudoŭnych žančyn, jana moža i «abnahleć». Anhieliny ŭstaviła ŭ rolik videa, u jakim Łukašenka kaža: «Darahija žančyny! Naradzicie treciaha małoha i patrabujcie ad mianie što zaŭhodna».
Tamu Anhielina vyrašyła pasprabavać skarystacca prapanovaj.
«U suviazi z hetym ja vielmi-vielmi chaču vas paprasić dla našaj maleńkaj, ale takoj užo vialikaj siamji žytło ŭ horadzie Minsku. Tamu što naša maładaja siamja, na žal, jašče nie paśpieła abzavieścisia žyllom. Dla taho, kab dziaŭčynki raśli ŭ kamforcie i dastatku, heta budzie vielmi-vielmi darečy».
Videa stała virusnym, nabrała mienš čym za sutki 3,5 miljona prahladaŭ i kala 300 tysiač łajkaŭ.
Praŭda, paśla hetaha na Anhielinu abrynułasia jak chvala padtrymki (usio ž składana ŭ adzin momant stać maci adrazu dla troch dziaciej — tym bolš niedanošanych), tak i krytyki. Niechta ličyć, što nie treba było źviartacca da Łukašenki — maŭlaŭ, usie naležnyja lhoty siamja b i tak atrymała, a ciapier moža zdarycca, što kahości inšaha ŭ čarzie pasunuć.
U RNPC «Maci i dzicia» tym časam usia administracyja staić na vušach. A pa tym, jak staranna ciapier usio pieramyvajuć i prybirajuć, možna zrazumieć, što čakajuć haściej na vysokich pasadach.
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj43
Kamientary