Zialenski raskazaŭ, kolki rakiet treba Ukrainie dla źniščeńnia rasijskaj balistyki
Prezident Ukrainy zaklikaje sajuźnikaŭ zabiaśpiečvać USU jak minimum 100—120 rakietami kožny miesiac dla pierachopu rasijskaj balistyki.
Kiraŭnik ukrainskaj dziaržavy nahadaŭ, što Rasija ciapier zdolnaja vyrablać 140 balistyčnych rakiet za miesiac. Zhodna z praviłami NATA, kab źniščyć takuju kolkaść balistyčnych rakiet, nieabchodna mieć 280 rakiet-pierachopnikaŭ — u praporcyi 1 da 2, paviedamlaje RBK-Ukraina.
«U vas nikoli nie budzie 280 rakiet na miesiac, i pamiž nami kažučy, mieć navat 100 rakiet na miesiac — heta vializny vyklik. Mienavita hetaha ja chaču. Ja chaču mieć 100—120 u hetyja składanyja miesiacy, asabliva chałodnyja», — padkreśliŭ Zialenski.
Na hetym fonie prezident Ukrainy zaklikaŭ sajuźnikaŭ Kijeva akazvać bolš padtrymki.
«Jany pavinny dać jak maha bolš. Pry ŭsioj pavazie da ich (sajuźnikaŭ), jany pavinny dapamahać ukraincam, kab ratavać ich žyćci», — patłumačyŭ jon.
Zialenski taksama zajaviŭ ab padpisańni pahadnieńniaŭ ź niekalkimi jeŭrapiejskimi kampanijami ab raspracoŭcy ŭkrainskaj sistemy supraćrakietnaj abarony pad nazvaj Freya.
Prezident raźličvaje, što pieršy etap vyprabavańniaŭ pačniecca da kanca śniežnia.
Kamientary
No, biez raźvieddannych, v riealnom vriemieni i otsutstvii svojej ballistiki, očień słožno...
No uničtožať nado !!!