«Stajać u avanhardzie». «Biełaja Ruś» apublikavała prahramu svajoj budučaj partyi
U preambule prahramy «Biełaj Rusi», vystaŭlenaj dla abmierkavańnia, havorycca, što ŭ krainie «stvoranyja ŭmovy dla dyjałohu z hramadstvam», a UNS śviedčyć pra «hatoŭnaść dziaržavy iści pa šlachu ŭmacavańnia praduktyŭnaha ŭzajemadziejańnia».
«Biełaja Ruś» spadziavajecca, što ich partyja «budzie stajać u avanhardzie hetaj pracy».
Meta partyi — umacavać niezaležnuju, kvitniejučuju Biełaruś i pabudavać sacyjalna spraviadlivaje hramadstva, abjadnać hramadzian na padstavie nacyjanalnych intaresaŭ i duchoŭna-maralnych kaštoŭnaściaŭ. Budučyniu jany bačać u evalucyjnym raźvićci.
U cełym prahrama davoli šabłonnaja — za mocnuju ekanomiku (i pavyšeńnie roli dziaržavy ŭ kiravańni hramadskimi pracesami ŭ «najbolš adčuvalnych siektarach ekanomiki»), padtrymku biełaruskich vytvorcaŭ, debiurakratyzacyju, baraćbu z karupcyjaj, dabrabyt hramadzian, kulturu i pamiać.
Partyja taksama vystupaje za stvareńnie rehijanalnych centraŭ patryjatyčnaha vychavańnia, aktyŭnuju baraćbu suprać biezduchoŭnaści i kultu ŭsiedazvolenaści.
U źniešniaj palitycy pryjarytety «Biełaj Rusi» — partniorstva ŭ ramkach Sajuznaj dziaržavy, JEAES i ADKB.
-
«Stolki hadoŭ ich čakali, i heta ŭžo niejak vyrašym». Siastra Kaleśnikavaj adkazała, kali zmoža sustrecca z Maryjaj
-
«A što my mahli ŭvohule čakać ad Łukašenki? Što jon nie budzie ździekavacca?» Cichanoŭskaja pra vyzvaleńnie palitviaźniaŭ i vysyłku ich va Ukrainu
-
Poŭny śpis palitviaźniaŭ, vyzvalenych 13 śniežnia
Kamientary