U pošukaviku Google źjaviŭsia mały Joda z «Zornych vojnaŭ». Raskazvajem, jak jaho vyklikać i što jon umieje
Piersanaž pry dapamozie siły moža kiravać pradmietami i pieramiaščać ich na vašym ekranie padčas vykarystańnia pošukavika.
U pošukaviku Google zaraz možna znajści adnaho ź piersanažaŭ «Zornych vojnaŭ». Heta mały Joda, ci Hrohu, jak jaho nazyvajuć u sieryjale «Mandałorac» ad Disney.
Piersanaž pry dapamozie siły moža kiravać pradmietami i pieramiaščać ich na vašym ekranie padčas vykarystańnia pošukavika. Jon budzie raskidvać ich unizie i budavać ź ich usialakija kanstrukcyi.
Kab jaho vyklikać, nieabchodna zajści ŭ pošukavik Google i napisać «Mandałorac», «Mały Joda» abo «Hrohu», i jon adrazu źjavicca sprava ŭnizie, dzie zastaniecca tolki na jaho nacisnuć. Nabirać možna pa-biełarusku, jon razumieje našu movu.
Hetaja paschałka pracuje i na kampjutarach, i na smartfonach.
Kamientary