Stała viadoma pra jašče adnaho biełarusa, jaki zahinuŭ va Ukrainie. Heta Jaŭhien «Malder» Łohinaŭ, jaki baraniŭ «Azoŭstal»
Bajec pałka «Azoŭ» Rusłan «David», jaki stajaŭ na abaronie Maryupala i jakoha nazyvajuć lehiendaj bajoŭ za «Azoŭstal», raspavioŭ pra hieraičnaje zmahańnie biełarusa Jaŭhiena Łohinava, ź jakim jany vajavali popleč. Pavodle «Davida», biełarus Jaŭhien Alaksandravič Łohinaŭ z pazyŭnym «Malder» zahinuŭ jašče 5 maja 2022 hoda ŭ vakolicach «Azoŭstali».
«Jon naradziŭsia ŭ Biełarusi, ale ŭ dziacinstvie z baćkami pierajechaŭ u Mikałajeŭ. Jon byŭ fizična raźvity, zaŭsiody zajmaŭ pieršyja miescy pa płavańni. Ciažka znajści bolš dobraha i vychavanaha čałavieka. Braŭ udzieł u haradskich bajach u Maryupali, nikoli nie bajaŭsia voraha i zaŭždy byŭ pieršym dobraachvotnikam na lubyja niebiaśpiečnyja zadańni. Adbić pazicyju — jon pieršy padymaje ruku, patrebnyja dobraachvotniki, kab dapamahčy susiednim atradam, — Malder znoŭ achvotny. Jon zaŭsiody rvaŭsia ŭ boj i zaŭsiody vychodziŭ suchim z žorstkich ahniavych kantaktaŭ i pajadynkaŭ», — raspaviadaje pra pabracima Rusłan «David».
Jon zhadvaje, što piataha maja na zavod zajšła vialikaja hrupa rasijskich śpiecnazaŭcaŭ.
«Jany ŭziali ŭ pałon niekalki bajcoŭ z sumiežnych čaściej, jakija zdali, dzie znachodziacca našy bajcy, jak niezaŭvažna padyści i ź jakoha boku. Spačatku adnamu z našych bajcoŭ kinuli pad nohi hranatu, zaviazaŭsia boj. Malder adkryŭ ahoń, pierastrelvaŭsia z napadnikami, ale varožaja kula trapiła jamu ŭ sonnuju arteryju», — apisvaje toj boj «David».
Jak jon uspaminaje, Jaŭhien «Malder» nie šukaŭ publičnaści, nie šukaŭ uznaharod ci ŭłasnaj vyhady.
«Jon nie chavaŭsia za toŭstymi ścienami i padvałami, nie jeŭ spakojna kansiervy i pajki, jon byŭ śmieły, i takich ludziej u Maryupali było nie tak šmat. Jon adčuŭ na sabie ŭvieś ciažar sapraŭdnaj vajny i haradskich bajoŭ. Biaźmiežnaja tabie pavaha, Malder».
Heta jak minimum užo 20-y biełarus, jaki addaŭ žyćcio za niezaležnaść Ukrainy i Biełarusi na ŭkrainskaj ziamli ad pačatku 2022 hoda.
Ciapier čytajuć
Cichanoŭski — biełarusam: «Kali vy čakali znak, to voś jon». Prachodzić pres-kanfierencyja z vyzvalenymi palitviaźniami15
Cichanoŭski — biełarusam: «Kali vy čakali znak, to voś jon». Prachodzić pres-kanfierencyja z vyzvalenymi palitviaźniami
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary
Ale ž ukrainskaja padalakskaja prpahanda robić nas nacyjaj vorahaŭ, a palakaŭ kliča bratami.
Chiba my b nie dapamahali Ukrainie, kali b demakratyja pieramahła?