Kolkaść biełaruskich hramadzian ź nieruchomaściu ŭ Litvie vyrasła amal udvaja
U Litvie ciapier 3,2 tys. hramadzian Biełarusi vałodajuć nieruchomaściu, što ŭ 1,8 raza bolš, čym było hod tamu. Za hod biełarusy ździejśnili kala 1,5 tys. ździełak na rynku. Ahulny košt nieruchomaści, jakaja naležyć hramadzianam Biełarusi, aceńvajecca ŭ 170 młn jeŭra, paviedamlaje BNS.
Amal pałovu nieruchomaści ŭ vałodańni biełarusaŭ składajuć kvatery, 13% — ziamielnyja ŭčastki, 8% — žyłyja damy. Čaściej za ŭsio letaś biełarusy kuplali nieruchomaść u Vilni i Kłajpiedzie.
U lutym u biełaruskich kampanij i arhanizacyj naličvajecca 23 abjektaŭ nieruchomaści ŭ Litvie, hod tamu ich było 14. U asnoŭnym heta niežyłyja pamiaškańni.
U cełym za minuły hod u Litvie zarehistravana 130 tys. ździełak ź nieruchomaściu.
U toj ža čas hramadzianie Rasii ŭ 2022 hodzie pamienšyli kuplu nieruchomaści na 2% u paraŭnańni z papiarednim rekordnym hodam.
Kamientary