Češskaja palicyja rasśleduje kradziež plemiannoha skakuna anhlijskaj parody sa stajni ŭ vioscy Krabčycy na paŭnočnym uschodzie krainy, paviedamlaje RBK. Sama historyja była b davoli banalnaja, kab nie proźvišča ŭładalnika žarabca.
Partał Jezdci pieradaje, što 16-hadovy hniady žarabiec pa mianušcy Zazu naležyć kiraŭniku Čačni Ramzanu Kadyravu.
Zazu ŭ svoj čas byŭ uklučany ŭ majomaść Ramzana Kadyrava, zamarožanuju ŭ Čechii paśla ŭviadzieńnia suprać jaho sankcyj jašče ŭ 2014 hodzie. Nabyŭ ža kania kiraŭnik Čačni za dva hady da taho.
Toje, što koń sapraŭdy ŭklučany ŭ majomaść Kadyrava, zamarožanuju ŭ Čechii ŭ ramkach mižnarodnych sankcyj, paćvierdziŭ pradstaŭnik departamienta źniešnich suviaziaŭ i kamunikacyj Ministerstva finansaŭ Mikułaš Chałas. Adnak dadatkovuju infarmacyju pra rasśledavańnie kradziažu jon dać admoviŭsia.
Pa źviestkach palicyi, kania vykrali ŭ noč na 4 sakavika. «Złodziej źniaŭ z rassoŭnych dźviarej łancuh z karabinam i vyvieŭ plemiannoha žarabca», — paviedamiła pradstaŭnica palicyi Paŭła Kofrava.
Kaštuje koń amal 400 tys. češskich kron, heta kala 19 tys. dalaraŭ. Za svajo žyćcio žarabiec udzielničaŭ u 36 spabornictvach, vyjhraŭ ź ich 9 i zarabiŭ 1,2 młn dalaraŭ.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary