KDB paćvierdziŭ, što da dyviersii ŭ Mačuliščach mieŭ dačynieńnie «Bajpoł»
KDB zrabiŭ zajavu, ź jakoj vynikaje, što jon ličyć vinavatymi ŭ dyviersii suprać rasijskaha samalota na aeradromie ŭ Mačuliščach pradstaŭnikoŭ biełaruskaha padpolla, choć naŭprost pra «Bajpoł» nie kaža.
U terminałohii KDB «Bajpoł» fihuruje jak
«ahientura śpiecsłužbaŭ Respubliki Polšča ź liku tak zvanych źbiehłych biełarusaŭ — prychilnikaŭ hvałtoŭnaha źviaržeńnia kanstytucyjnaha ładu, aktyŭnych udzielnikaŭ padziej žniŭnia 2020 hoda».
KDB paviedamlaje pra paśpiachovuju «apieracyju pa pošuku i zatrymańni złačyncaŭ». U jaje vyniku jaho słužboŭcam nibyta ŭdałosia «vykryć i likvidavać ahienturnuju sietku ź liku hramadzian Respubliki Biełaruś, jakija prymali ŭdzieł u zabieśpiačeńni dziejnaści ahienta-terarysta, jaho lehalizacyi na terytoryi Respubliki Biełaruś i niaŭdałaj sproby evakuacyi».
Vyjaŭlenyja KDB ludzi byli «pryciahnutyja da supraćpraŭnaj dziejnaści biełaruskimi ekstremisckimi palitemihranckimi centrami, jakija faktyčna pa zadańni ŭkrainskich i polskich śpiecsłužbaŭ vykarystoŭvali ich jak raschodnyja materyjały».
Usiaho pa kryminalnaj spravie, raspačataj za «akt teraryzmu», prachodzić, jak paviedamlajecca, bolš za 20 čałaviek.
Pierad hetym KDB zajaviŭ, što «na adnoj ź javačnych kvater zatrymany hramadzianin Ukrainy Šviec Mikałaj Uładzimiravič 1993 hoda naradžeńnia, jaki raspačaŭ sprobu ździajśnieńnia akta teraryzmu na biełaruskim vajennym abjekcie — aeradromie Mačuliščy ŭ Minskim rajonie 26 lutaha 2023 hoda».
Raniej aryjenciroŭki na Mikałaja Šviaca siłaviki rassyłali pa roznych ustanovach pa Biełarusi.
Siłavikoŭ za hetu apieracyju navat uznaharodzili. Staršynia KDB Ivan Cierciel atrymaŭ ordenam «Za słužbu Radzimie» I stupieni, staršynia Dziaržpahrankamiteta Anatol Łapo i ministr unutranych spraŭ Ivan Kubrakoŭ — ordeny «Za słužbu Radzimie» II stupieni.
«Ja prašu vas i daručaju vam, jak ja vam kazaŭ, usich, navat kali ich buduć tysiačy, našych chłopcaŭ, jakija pravodzili hetuju apieracyju i ŭdzielničali ŭ joj, pradstavić da ŭznaharodžańnia dziaržaŭnymi ŭznaharodami», — daŭ nakaz Alaksandr Łukašenka.
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»16
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
A dyktatura choć by adnoj linii chłuśni prytrymlivałaś, a to "Polšča" ad KDB, a ad Łuki ŭžo "Ukraina".
A ŭdar pa samalocie-karektyroŭščyku A-50 - heta antyterarystyčny akt, ździejśnieny miascovymi partyzanami suprać łukašysckich i rašysckich terarystaŭ.