«Ruskaja rybnaja kampanija» (RRK), adnym z uładalnikaŭ jakoj źjaŭlajecca były kiraŭnik Prymorskaha kraju Siarhiej Darkin, patrabuje ź siamiejnaha biźniesu Jacukoŭ apłatu i niaŭstojku za pastaŭki ryby ŭ 2016 hodzie, paviedamlaje Office Life.
Pavodle sudovych dakumientaŭ, papiarednija słuchańni pavinny adbycca ŭ Arbitražnym sudzie Maskvy na nastupnym tydni.
RRK źjaŭlajecca adnym z najbujniejšych dystrybjutaraŭ ryby i morapraduktaŭ na rasijskim rynku. Pa roznych acenkach, na jaje prypadaje 10-12% usiaho abarotu. Pry hetym suma pretenzij kampanii eks-hubiernatara, jakomu taksama naležyć adzin z najbujniejšych zdabytčykaŭ ryby ŭ Rasii (Nachodkinskaja BAMR), nievialikaja. RRK damahajecca ad «Vitalura» pahašeńnia kala 10,3 młn rasijskich rubloŭ asnoŭnaha doŭhu i prykładna 250 tys. niaŭstojki — pa ciapierašnim kursie ahulnaja suma ŭ dalaravym ekvivalencie nie daciahvaje da $150 tys.
U roznych rasijskich sudach znachodziacca jašče čatyry iski da «Vitalura» z boku inšych pastaŭščykoŭ (nie tolki ryby). Jość adzin užo zadavoleny. Sukupnyja pretenzii hetych kontrahientaŭ pa apłacie pastavak, zroblenych imi ŭ 2019-2022 hadach, taksama niaznačnyja — prykładna na $100 tys.
Nieabchodnaściu vykanańnia abaviazacielstvaŭ pierad pastaŭščykami tłumačyłasia ździełka, pa jakoj uładalniki «Vitalura» na pačatku 2023 hoda pieradali svaje kramy ŭ arendu «Santa Rytejł». Cikavy fakt: RRK u svoj čas źjaŭlałasia častkaj chołdynhu rasijskaha biznesmiena Maksima Varabjova, u jakoha kampanija «Santa Bremar» u 2013-m nabyła rybapierapracoŭčy zavod «Ruskaje mora» ŭ Nahinsku.
Ciapier čytajuć
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary