«Santa» adkryła pieršyja adnoŭlenyja kramy «Vitalur» — pakul biez rebrendynhu
Kampanija «Santa-Rytejł» pierazapuskaje kramy «Vitalur», jakija pierajšli pad jaje kiravańnie. Jak raskazali ŭ pres-słužbie kampanii vydańniu Office Life, pakul što hetyja kramy zachavajuć raniejšyja šyldy, znajomyja fasady i zvykły interjer.
U Minsku ŭžo adkrylisia siem «Vitaluraŭ».
Pieršyja abnoŭlenyja kramy źjavilisia pa adrasach Puškina, 24, Łabanka, 26 i Filimonava, 10. Pierazapusk prajšli i supiermarkiety na Haładzieda, 34-a ŭ Čyžoŭcy, na vulicy Kasmanaŭtaŭ, 5-a ŭ Malinaŭcy, na fiermierskim rynku «Valarjanava» na Łahojskaj, 5-a, a taksama krama ŭ ahraharadku Hatava na Mietałurhičnaj, 18-a. Astatnija kramy abiacajuć adkryvać pa miery hatoŭnaści.
Pradstaŭniki «Santy» dadali, što staviać metaj adkryvać abjekty z poŭnaj asartymientnaj zahruzkaj, a taksama maksimalna zachavać najaŭny piersanał.
Pa słovach dyrektara TAA «Santa Rytejł» Alaksandra Čujko, na pieršym etapie handlovyja abjekty zachavajuć svaju nazvu, a da pytańnia rebrendynhu kampanija piarojdzie paźniej.
Ciapier čytajuć
U zahinułaj u Ślapiancy dziaŭčynie apaznali Janu Kastrankovu2
Kamientary