IT-kampanii Gurtam i Akveo zakryvajuć biełaruskija jurydyčnyja asoby. Takaja infarmacyja źjaviłasia na sajcie adzinaha dziaržrehistratara, paviedamlaje Dev.by. Rašeńnie ab likvidacyi pryniali ŭłaśniki kampanij.
Gurtam aficyjna likviduje kampaniju ŭ Biełarusi z 28 lutaha, Akveo — z 9 studzienia.
Pavodle infarmacyi dev.by, jašče ŭ kancy minułaha hoda supracoŭnikam Akveo prapanavali albo rełakavacca, albo zvolnicca.
Biełaruskaja IT-kampanija Gurtam zasnavana ŭ 2002 hodzie Alaksiejem i Uładzimiram Ščurko. Kampanija stvaryła płatformu dla spadarožnikavaha manitorynhu i internetu rečaŭ Wialon, a taksama płatformu flespi dla paskoranaj raspracoŭki hieałakacyjnych rašeńniaŭ. Da Wialon padklučana bolš za 3,5 miljona mašyn i inšych abjektaŭ u bolš čym 150 krainach śvietu.
Soft Gurtam vykarystoŭvajuć sotni tysiač kampanij pa ŭsim śviecie: ad servisaŭ pa dastaŭcy picy i taksaparkaŭ da naftavych karparacyj i dziaržaŭnych słužbaŭ. Ofisy kampanii adkrytyja ŭ piaci krainach: Litvie, Hruzii, AAE, Arhiencinie, ZŠA.
U Gurtam pracuje kala 300 śpiecyjalistaŭ. Raniej asnoŭnaja kamanda pracavała ŭ Biełarusi, ciapier bolšaść — u Litvie. Niekatoryja kiraŭniki kampanii padčas pratestaŭ 2020 hoda traplali pad represii.
U lutym 2022 hoda paśla pačatku vajny va Ukrainie Gurtam dała ŭkrainskim kampanijam biaspłatny dostup da vobłačnych servisaŭ na bolš čym šeść miesiacaŭ. U sakaviku kampanija prypyniła prodaž svaich praduktaŭ u Rasii, a ŭ śniežni likvidavała rasijskuju jurydyčnuju asobu.
Kampanija Akveo stvorana ŭ 2015 hodzie, jaje zasnavalniki — Kanstancin Danoŭski i Uładzimir Łuhoŭski. Akveo zajmajecca raspracoŭkaj ułasnych prahramnych praduktaŭ dla veb i mabilnych rašeńniaŭ (ngx-admin, Kitten Tricks i inšyja). Pradukty vykarystoŭvajucca ŭ aŭtamabilnaj, turystyčnaj, bankaŭskaj, miedycynskaj, telekamunikacyjnaj i adukacyjnaj halinach.
Ofisy kampanii adkryty ŭ Denviery i Vilni, uvosień minułaha hoda Akveo zarehistravała jurydyčnuju asobu ŭ Varšavie. U kampanii pracuje kala 100 śpiecyjalistaŭ, raniej u asnoŭnym jany byli ŭ Minsku, ciapier — u Litvie i Polščy.
Taksama, pa źviestkach adzinaha dziaržrehistra, ciapier likvidujecca jašče niekalki IT-kampanij: «PCI Salušns», «Data Frešli» i «Inevejt Jurop».
Raniej ź biełaruskaha rynku syšli bujnyja praduktovyja kampanii Wargaming, One Soil, Flo, Targetprocess, Fibery, Vochi, Wannaby, Playgendary, Verv. Pakul zastajucca pracavać u Biełarusi SayGames, Belka Games, Gismart, Easybrain.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
I intieriesno otkudv povyłazili eti kompanii i ajtišniki.. to jesť do 2020 hoda dyktatury nie było????