UEFA razhledzić pytańnie vyklučeńnia biełaruskaha futboła ź mižnarodnych spabornictvaŭ
UEFA choča abmierkavać vyklučeńnie zbornaj Biełarusi i biełaruskich kłubaŭ sa ŭsich spabornictvaŭ, paviedamlaje niamieckaje vydańnie Sportschau.
«UEFA ŭžo daŭno maje namier abmierkavać stanovišča Biełarusi na majučym adbycca pasiadžeńni našaha Vykanaŭčaha kamiteta», — havorycca ŭ liście kiraŭnika arhanizacyi Alaksandra Čefieryna, adrasavanym bolš jak 100 členam Jeŭrapiejskaha parłamienta.
Hety list — adkaz na zaklik parłamientaryjaŭ da UEFA vyklučyć z UEFA, akramia kamandaŭ z Rasii, kamandy ź Biełarusi praz vajnu suprać Ukrainy.
«Jak usie hetyja fakty možna suadnieści z kaštoŭnaściami UEFA i matčami UEFA, što pavinny być simvałam miru i supracoŭnictva, jakija ŭvasobleny ŭ futbolnaj siamji? — pisali deputaty. — Sam fakt udziełu zbornaj Biełarusi ŭ čempijanacie UEFA paźniej budzie vykarystany Łukašenkam i jaho prapahandysckaj kamandaj, kab dakazać, što jaho dobra prymajuć u mižnarodnaj supolnaści».
Pavodle infarmacyi Sportschau, na pasiadžeńni, jakoje adbudziecca 4 krasavika ŭ Lisabonie, budzie abmiarkoŭvacca kankretnaje pytańnie ab dyskvalifikacyi kamand ź Biełarusi.
Čytajcie taksama:
Hleb, Kutuzaŭ, Rumas? Chto vyratuje biełfutboł — razvažajuć admysłoŭcy
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary