18 dziaŭčatak i 5 chłopčykaŭ stali achviarami piedafiła ŭ Mazyry
39-hadovy mužčyna pad vyhladam padletka zarehistravaŭsia ŭ sacyjalnaj sietcy i znajomiŭsia sa školnicami. Abvinavačany «adukoŭvaŭ» ich na temu seksualnych adnosin, vysyłaŭ parnahrafičnyja materyjały, prasiŭ źniać dla jaho pikantny kantent. Dźviuch dziaŭčatak uhavaryŭ na asabistuju sustreču, paviedamlaje SK.
Pa danych śledstva, mužčyna šukaŭ akaŭnty niepaŭnaletnich dziaŭčatak, ustupaŭ ź imi ŭ pierapisku, «praśviatlaŭ» na temu seksualnych adnosin, prapanoŭvaŭ abmianiacca pikantnymi fatahrafijami, rassyłaŭ parnahrafičnaje videa sa svaim udziełam. Jon nastojliva zaklikaŭ školnic da asabistych sustreč.
Dźvie dziaŭčynki paddalisia na ŭhavory i niekalki razoŭ sustrelisia ź im u małaludnych miescach. Adna ź ich pry sprobie spynić znosiny sutyknułasia z šantažom i pahrozami. Abvinavačany razasłaŭ kampramietujučuju infarmacyju niekalkim jaje siabram i znajomym. Paśla hetaha dziaŭčynka raskazała pra pastku baćkam. Mužčyna akazaŭsia pad śledstvam.
U chodzie rasśledavańnia kryminalnaj spravy ŭstanoŭlena 47 epizodaŭ złačynnaj dziejnaści abvinavačanaha, učynienych u pieryjad z krasavika pa vierasień 2022 hoda.
Paciarpiełymi pryznanyja 18 dziaŭčynak i 5 chłopčykaŭ 11—16 hadoŭ, jakija navučajucca va ŭstanovach adukacyi Mazyrskaha rajona.
Mužčyna byŭ indyvidualnym pradprymalnikam. Raźviedzieny.
Na padstavie sabranych pa spravie dokazaŭ žycharu Mazyrskaha rajona vystaŭlenaje abvinavačańnie pa niekalkich artykułach Kryminalnaha kodeksa Respubliki Biełaruś. Jaho ŭziali pad vartu.
Ciapier čytajuć
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja11
Kamientary