Zatrymany druhi zapar kiraŭnik «Ahata» — pradpryjemstva, jakoje dapamahaje ruskim zabivać ukraincaŭ
Mikałaj Balihataŭ uznačalvaŭ chołdynh «Ahat — sistemy kiravańnia» 9 miesiacaŭ paśla pasadki papiaredniaha dyrektara, hienierała Hienadzia Kazakova. Maksimalna łajalny i daśviedčany «čyrvony dyrektar» ź viedami praviłaŭ hulni taksama trapiŭsia.
«Ahat» — adno z centralnych pradpryjemstvaŭ biełaruskaj abaronki, jakoje zajmajecca pieravažna kompleksami kiravańnia ahniom.
Zamovy pastupajuć jak ad biełaruskaj armii, tak i ad inšych režymaŭ, nie dapuščanych da zachodnich technałohij.
U historyi «Ahata» jość jak adnosnyja pośpiechi, tak i hučnyja pravały.
Papiaredniaha dyrektara, hienierała Hienadzia Kazakova, aryštavali pry kancy krasavika 2022-ha i ŭ vyniku asudzili da 7 hod kałonii ŭzmocnienaha režymu pa č. 3 art. 430 — chabarnictva ŭ asabliva bujnym pamiery.
Na źmienu jamu ŭ lipieni taho ž hoda pryjšoŭ Mikałaj Balihataŭ, jaki da taho ŭznačalvaŭ adno z pradpryjemstvaŭ chołdynha — «Ahat — elektramiechaničny zavod».
Łukašenka patrabavaŭ ad jaho stvaryć takuju sistemu suviazi vojskaŭ, jakaja nie budzie hłušycca zachodnimi sistemami.
Praz toje, što ŭ rasijskich vojskaŭ adstałyja sistemy suviazi, ich armija niasie vializnyja straty va Ukrainie.
Balihataŭ u adkaz kazaŭ, što nieabchodnyja sistemy ŭ «Ahata» ŭžo jość, i jon «upeŭnieny ŭ tym, što kiravańnie, žyvučaść vojskaŭ budzie zabiaśpiečana našymi techničnymi srodkami».
Ci ŭdałosia Balihatavu vykanać zadańnie načalnika, nieviadoma.
Pa infarmacyi «Našaj Nivy», atrymanaj ź dźviuch krynic, niadaŭna kiraŭnika «Ahata» zatrymali na pracoŭnym miescy.
U pryjomnaj pradpryjemstva «Našaj Nivie» skazali, što źviazać z dyrektaram nie mohuć i ciapier jaho abaviazki vykonvaje inšy čałaviek.
Čytajcie taksama:
Jak patracić 2 miljony dziaržaŭnych rubloŭ, kab ničoha nie było
Jak «AHAT» abłažaŭsia z kanstrukcyjaj biełaruskaha «Bajraktara»
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
Aha. A po faktu na 3 ni užie pieriechodiat)))