Šajhu: Samaloty biełaruskaj šturmavoj avijacyi atrymali zdolnaść nieści jadziernyja zarady
Samaloty biełaruskaj šturmavoj avijacyi atrymali zdolnaść nieści jadziernyja zarady. Pra heta siońnia zajaviŭ ministr abarony RF Siarhiej Šajhu na naradzie z kiraŭnictvam Uzbrojenych sił Rasii.
«Častka biełaruskich samalotaŭ šturmavoj avijacyi atrymała zdolnaść nanosić udary pa abjektach praciŭnika srodkami paražeńnia ŭ jadziernym asnaščeńni. Akramia taho, Uzbrojenym siłam Biełarusi pieradadzieny apieratyŭna-taktyčny rakietny kompleks «Iskander-M». Jon moža vykarystoŭvać rakiety, jak u zvyčajnym, tak i ŭ jadziernym vykanańni. Z 3 krasavika na adnym z rasijskich palihonaŭ pačataje navučańnie biełaruskich raźlikaŭ paradku jaho prymianieńnia dla abarony Sajuznaj dziaržavy», — skazaŭ jon.
Čynoŭnik nie ŭdakładniŭ, jakija mienavita typy bajavych samalotaŭ padrychtavanyja dla niasieńnia jadziernaj zbroi.
«NATA pravodzić kompleks mierapryjemstvaŭ pa pavyšeńni bajavoj hatoŭnaści abjadnanych Uzbrojenych sił, aktyvizuje vučebna-bajavuju i raźviedvalnuju dziejnaść pablizu miežaŭ Rasii i Biełarusi. Najbližejšym časam čalcom aljansu stanie Finlandyja. Zrazumieła, usio heta stvaraje ryzyki istotnaha pašyreńnia kanfliktu, ale na zychod śpiecyjalnaj apieracyi nie paŭpłyvaje. U hetych umovach my prymajem miery ŭ adkaz, adstojvajem biaśpieku Sajuznaj dziaržavy», — skazaŭ jon.
Biełaruskija raźliki «Iskanderaŭ» adpravilisia ŭ Rasiju dla praktyčnaj padrychtoŭki
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona11
Kamientary