Premjer-ministr Polščy: My siońnia farmirujem karcinu budučaj Jeŭropy
Premjer-ministr Polščy Matevuš Maraviecki zajaviŭ, vystupajučy ŭ sieradu pierad žurnalistami razam z prezidentam Ukrainy Uładzimiram Zialenskim, što napad na Ukrainu staŭ pačatkam kanca ahresiŭnaj Rasii.
«My siońnia farmirujem karcinu budučaj Jeŭropy. Kreml i Pucin, Maskva chacieli kanca Ukrainy. Ale siońnia my bačym, što hetaja vajna źjaŭlajecca pačatkam kanca dla Rasii, ahresiŭnaj Rasii — takoj, jakoj my jaje viedajem, ale taksama i pačatkam zusim novaj Jeŭropy», — skazaŭ Maraviecki na supolnaj ź Zialenskim pres-kanfierencyi.
«Rasija ŭžo prajhrała vajnu i baraćbu za dušy ŭkraincaŭ. I ja pierakanany, što Rasija taksama prajhraje i hetuju vajnu za Ukrainu, i ŭrešcie prajhraje ŭ vajnie za daminavańnie ŭ našym rehijonie», — skazaŭ polski premjer.
Uładzimir Zialenski i Matevuš Maraviecki siońnia padpisali pratakoł ab pastaŭkach Ukrainie vajskovaj techniki, u pryvatnaści, polskich bronietransparcioraŭ Rosomak. Pra kuplu Ukrainaj sta takich mašyn paviedamlałasia ŭ sakaviku.
Taksama Ukrainie buduć pastaŭlenyja samachodnyja minamioty Rak, pieranosnyja zienitna-rakietnyja kompleksy Piorun, źniščalniki MiH i inšaja zbroja.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki27
Kamientary