U Breście maci traich dziaciej dali «chatniuju chimiju» za «sadziejničańnie ekstremisckaj dziejnaści»
U vinu pastavili try epizody.
Brescki abłasny sud 10 krasavika ahučyŭ prysud pa kryminalnaj spravie 31-hadovaj žycharki Baranavič Anastasii Padhajskaj, jakaja raźmiaščała ŭ telehram-kanałach źviestki ab stanoviščy ŭ rehijonach Rasii i Biełarusi. Jaje abvinavacili ŭ sadziejničańni ekstremisckaj dziejnaści (č. 1 art. 361-4 KK), piša «Viasna».
Spravu razhladaje sudździa Andrej Vasiluk, dziaržabvinavaŭca — prakuror Alaksandr Baciuško.
Maci traich dziaciej zatrymali pry kancy 2022 hoda, i da suda jana była pad chatnim aryštam.
Pa materyjałach śledstva, Padhajskaja ŭ kastryčniku 2022 hoda nibyta nieadnarazova pierasyłała fota— i videafajły z tekstavymi paviedamleńniami ŭ bot destruktyŭnaha Telegram-kanała ekstremisckaha farmavańnia.
Infarmacyja, adpraŭlenaja joj, źmiaščała źviestki ab abstanoŭcy ŭ rehijonach Rasijskaj Fiederacyi i Respubliki Biełaruś, a taksama ab płanavych mierapryjemstvach na ahulnavajskovych palihonach.
Tak, 17 kastryčnika 2022 hoda byŭ adpraŭleny skrynšot sa školnaha baćkoŭskaha vajbier-čata z papiaredžańniem ab vajennych vučeńniach pad Baranavičami.
Tydniem raniej, 8 kastryčnika 2022 (u dzień vybuchu na Krymskim moście) u čat «Realnaja Biełaruś» byŭ dasłany skrynšot z čata inžynieraŭ-teściroŭščykaŭ, na jakim vidać reakcyju rasijskich udzielnikaŭ čata. Da hetaha išoŭ ułasny kamientaryj: «Vučusia na teściroŭščyka. Navat tut paśla bavoŭny niespakojna».
A 5 kastryčnika 2022 hoda ŭ «Realnuju Biełaruś» było dasłana 2 fatahrafii z dvornikam, na adnym zdymku dvornik pastaviŭ instrumient da čužoha aŭtamabila. Da fota byŭ tekst: «Albo dvorniki bahatyja, albo strach stracili».
Dziaržabvinavaŭca zaprasiŭ 6 krasavika dla Padhajskaj try hady abmiežavańnia voli biez nakiravańnia ŭ PUAT («chatniaja chimija»).
Sud pryznaŭ jaje vinavataj i pakaraŭ terminam, jaki prapanavaŭ prakuror: try hady «chatniaj chimii».
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki38
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary