Polšča, Estonija, Łatvija i Litva prapanavali ŭ ramkach nastupnaha pakieta sankcyj Jeŭrasajuza adklučyć Hazprambank ad mižbankaŭskaj sistemy SWIFT, abmiežavać ekspart nafty pa trubapravodzie «Družba» i zabaranić impart rasijskich ałmazaŭ, piša EuObserver.
«[Uličvajučy] vykarystańnie Kramlom banka dla prasoŭvańnia palityčnych intaresaŭ, adklučeńnie Hazprambanka ad Swift maje pryjarytetnaje i simvaličnaje značeńnie», — skazana ŭ sumiesnym zvarocie Varšavy i krain Bałtyi.
U dakumiencie taksama prapanujecca zamarozić aktyvy jak maha bolšaj kolkaści bankaŭ i finustanoŭ z Rasii, bo ŭ advarotnym vypadku navat pry adklučeńni ad Swift ź imi možna budzie pravodzić apieracyi inšymi sposabami. Siarod inšych prapanavanych abmiežavańniaŭ — zakryćcio dostupu ŭ jeŭrapiejskija party dla zamiežnych sudoŭ, jakija arandavanyja abo pieravoziać hruzy dla zarehistravanych u Rasii kampanij, a taksama zabarona na impart rasijskaha aluminiju i na ekspart ałmazaŭ u Bielhiju.
Sankcyi prapanavana pašyryć na tych hramadzian Rasii, chto niasie adkaznaść za «parušeńni svabody schodaŭ u kantekście antyvajennych demanstracyj» i «parušeńni svabody słova ŭ kantekście masavaj cenzury», a taksama na čynoŭnikaŭ i arhanizacyi, jakija majuć dačynieńnie da raspracoŭki i vykarystańnia sistemy raspaznańnia asob u Maskvie. Hetaja sistema, skazana ŭ dakumiencie, «užyvałasia dla praviadzieńnia masavych advolnych zatrymańniaŭ udzielnikaŭ pratestaŭ suprać uvarvańnia Rasii va Ukrainu i dla vyjaŭleńnia asob, jakija ŭchilajucca ad pryzyvu».
Suprać Hazprambanka nie ŭvodzilisia žorstkija sankcyi Jeŭrasajuza i ZŠA, bo praź jaho iduć mižnarodnyja raźliki za haz, jaki ekspartujecca Rasijaj. Heta adziny dziaržaŭny bank, jaki jašče moža pravodzić valutnyja pieravody pa Rasii i za miažu. Adnak adpraŭleńni ŭ Aŭstraliju, Vialikabrytaniju, Kanadu i Novuju Ziełandyju nie prachodziać z-za dziejańniaŭ bankaŭ-karespandentaŭ, pakolki hetyja dziaržavy ŭviali sankcyi suprać banka, a ŭ amierykanski śpis SDN trapiŭ jaho top-mieniedžmient na čale sa staršynioj praŭleńnia Andrejem Akimavym, nahadvaje RBK.
ZŠA razam z sajuźnikami razhladajuć mahčymaść amal poŭnaj zabarony ekspartu tavaraŭ u Rasiju
Naftavy ekspart Rasii ŭ sakaviku staŭ rekordnym za apošnija try hady
Kiraŭnica MZS Hiermanii zaklikała Kitaj paŭpłyvać na Rasiju dla zakančeńnia vajny
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary