Польшча, Эстонія, Латвія і Літва прапанавалі ў рамках наступнага пакета санкцый Еўрасаюза адключыць Газпрамбанк ад міжбанкаўскай сістэмы SWIFT, абмежаваць экспарт нафты па трубаправодзе «Дружба» і забараніць імпарт расійскіх алмазаў, піша EuObserver.
«[Улічваючы] выкарыстанне Крамлём банка для прасоўвання палітычных інтарэсаў, адключэнне Газпрамбанка ад Swift мае прыярытэтнае і сімвалічнае значэнне», — сказана ў сумесным звароце Варшавы і краін Балтыі.
У дакуменце таксама прапануецца замарозіць актывы як мага большай колькасці банкаў і фінустаноў з Расіі, бо ў адваротным выпадку нават пры адключэнні ад Swift з імі можна будзе праводзіць аперацыі іншымі спосабамі. Сярод іншых прапанаваных абмежаванняў — закрыццё доступу ў еўрапейскія парты для замежных судоў, якія арандаваныя або перавозяць грузы для зарэгістраваных у Расіі кампаній, а таксама забарона на імпарт расійскага алюмінію і на экспарт алмазаў у Бельгію.
Санкцыі прапанавана пашырыць на тых грамадзян Расіі, хто нясе адказнасць за «парушэнні свабоды сходаў у кантэксце антываенных дэманстрацый» і «парушэнні свабоды слова ў кантэксце масавай цэнзуры», а таксама на чыноўнікаў і арганізацыі, якія маюць дачыненне да распрацоўкі і выкарыстання сістэмы распазнання асоб у Маскве. Гэтая сістэма, сказана ў дакуменце, «ужывалася для правядзення масавых адвольных затрыманняў удзельнікаў пратэстаў супраць уварвання Расіі ва Украіну і для выяўлення асоб, якія ўхіляюцца ад прызыву».
Супраць Газпрамбанка не ўводзіліся жорсткія санкцыі Еўрасаюза і ЗША, бо праз яго ідуць міжнародныя разлікі за газ, які экспартуецца Расіяй. Гэта адзіны дзяржаўны банк, які яшчэ можа праводзіць валютныя пераводы па Расіі і за мяжу. Аднак адпраўленні ў Аўстралію, Вялікабрытанію, Канаду і Новую Зеландыю не праходзяць з-за дзеянняў банкаў-карэспандэнтаў, паколькі гэтыя дзяржавы ўвялі санкцыі супраць банка, а ў амерыканскі спіс SDN трапіў яго топ-менеджмент на чале са старшынёй праўлення Андрэем Акімавым, нагадвае РБК.
ЗША разам з саюзнікамі разглядаюць магчымасць амаль поўнай забароны экспарту тавараў у Расію
Нафтавы экспарт Расіі ў сакавіку стаў рэкордным за апошнія тры гады
Кіраўніца МЗС Германіі заклікала Кітай паўплываць на Расію для заканчэння вайны
Цяпер чытаюць
Памятаеце пару студэнткі і выкладчыка, дзе ён старэйшы на 31 год? Аказваецца, ён быў святаром, а яна вучылася на рэгентку6
Каментары