Naftavy ekspart Rasii ŭ sakaviku staŭ rekordnym za apošnija try hady
Pavodle źviestak Mižnarodnaha enierhietyčnaha ahienctva (MEA), ekspart rasijskaj nafty ŭ sakaviku 2023 hoda ŭzros da samaha vysokaha ŭzroŭniu za try hady. Adnak dachody ad jaho rezka źnizilisia.
Pavodle infarmacyi MEA, u sakaviku biahučaha hoda ekspart rasijskaj nafty vyras da samaha vysokaha ŭzroŭniu z krasavika 2020 hoda.
Ahulnyja adhruzki z RF uzraśli na 0,6 młn barelaŭ za sutki (b/s) — da 8,1 młn b/s. Ź ich pastaŭki naftapraduktaŭ pavialičylisia na 450 tysiač b/s u dačynieńni da papiaredniaha miesiaca — da 3,1 młn b/s.
Dachody ad ekspartu vyraśli na 1 młrd dalaraŭ u paraŭnańni ź lutym — da 12,7 młrd dalaraŭ. Adnak u hadavym vyražeńni pakazčyki prykmietna pahoršylisia — dachody ŭpali na 43%.
Analityki čakajuć, što da kanca 2023 hoda suśvietny popyt na naftu dasiahnie rekordnych 101,9 młn barelaŭ na sutki. Da 90% rostu zabiaśpiečyć Kitaj i krainy, jakija jon padtrymlivaje, miarkujuć u MEA.
Skaračeńni zdabyčy nafty, zroblenyja hrupaj APIEK+, u toj ža pieryjad pryviaduć da źnižeńnia suśvietnych pastavak na 400 tys. barelaŭ na sutki, a rost zdabyčy krainami, jakija nie ŭvachodziać u kartel, nie kampiensuje źnižeńnie sukupnaha pakazčyka.
Raniej paviedamlałasia, što šerah krain APIEK — Saudaŭskaja Aravija, Kuviejt i inšyja — abviaścili ab skaračeńni zdabyčy nafty.
Ciapier čytajuć
Cichanoŭskaja pavinšavała biełarusaŭ razam z Kaleśnikavaj, Sieviaryncam i Łatuškam22
Kamientary