Na videa, raspaŭsiudžanym łukašenkaŭskaj pres-słužbaj, Łukašenka daje ŭ ruki adyjoznamu prapahandystu kuvałdu, pierad hetym «pa-baćkoŭsku» papraviŭšy na im šapku.
Łukašenka adychodzić ad prapahandysta i kidaje frazu: «Kab viedali», atačeńnie apładziruje.
«Biełaruski Tor nabyŭ svoj mołat», — ciešycca Łukašenkava pres-słužba.
Kuvałda ciaham apošniaha hoda stała šyrokaviadomym pa ŭsim śviecie złaviesnym simvałam biezzakońnia i biesčałaviečnaści. Mienavita pry dapamozie hetaha instrumienta najomniki z PVK «Vahnier» biez suda i śledstva karajuć śmierciu ludziej, jakija niejkim čynam pierad imi pravinilisia, prytym navat nie chavajucca, a zapisvajuć na videa i praz svaje kanały jaho raspaŭsiudžvajuć.
Asabliva rezanansnym było takoje pakarańnie letaś u listapadzie byłoha źniavolenaha Jaŭhiena Nužyna, jaki zavierbavaŭsia ŭ «Vahnier» z kałonii, patrapiŭ va ŭkrainski pałon, tam zapisaŭ niekalki videa z krytykaj pucinskaha režymu, a paśla byŭ adpraŭleny nazad u Rasiju ŭ ramkach abmienu źniavolenymi.
«Vahnieraŭskaja» kuvałda šyroka vykarystoŭvajecca rasijskaj i prarasijskaj prapahandaj. Jaje vysyłajuć u jeŭrapiejskija struktury, kidajuć na terytoryi dypłamatyčnych pradstaŭnictvaŭ, adpraŭlajuć na front u składzie humanitarnaj dapamohi, dorać u školnyja muziei, prynosiać na pachavańni i hetak dalej.
Łukašenka z Azaronkam razyhranaj scenkaj całkam upisvajucca ŭ hety trend. Možna mierkavać, što jana nie spantannaja, a zahadzia spłanavanaja, i praz heta kiraŭnik režymu ź jaho top-prapahandystam publična demanstrujuć simpatyi da rasijskich najmitaŭ i ich nialudskich mietadaŭ.
Prajava asablivaha cynizmu — što heta robicca nie dzie-niebudź, a va ŭsiebiełaruskim miescy smutku pa achviarach časoŭ Druhoj suśvietnaj vajny — miemaryjalnym kompleksie «Chatyń».
Čytajcie taksama:
Biełaruś dała zbroju PVK «Vahnier», a Kitaj admoviŭ — Financial Times
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
A užie skoro i oni eto znajut
Azaronka v zimbabvie nie voźmut))