Na pachavańnie prapahandysta Tatarskaha «vahnieraŭcy» prynieśli kuvałdu
U Maskvie 8 krasavika prajšło pachavańnie zabitaha 2 krasavika rasijskaha prapahandysta, «vajenkara» Maksima Famina, bolš viadomaha pad psieŭdanimam Uładlen Tatarski. Pobač z trunoj prysutnyja na pachavańni zaŭvažyli sumna viadomuju «vahnieraŭskuju» kuvałdu, paviedamiła vydańnie ASTRA.
Pavodle infarmacyi vydańnia, kuvałdu paśmiarotna padaryli Faminu pradstaŭniki PVK «Vahniera». Jaje pakłali pobač z trunoj, a na dziaržalnie instrumienta jość imiannaja hraviroŭka.
Z dapamohaj takoj kuvałdy ŭ PVK «Vahniera» karajuć śmierciu «zdradnikaŭ», niekatoryja padobnyja vypadki zapisanyja na videa i paśla šyroka razyšlisia ŭ internecie. Kuvałda, takim čynam, stała simvałam złačynstvaŭ i amaralnaści PVK «Vahniera», a taksama i ŭsiaho «ruskaha śvietu», pakolki i cyvilnyja, i vajskovyja rasijskija ŭłady nijakaha supraćdziejańnia pašyreńniu kultu hetaha instrumienta nie akazvajuć.
Prapahandyst Maksim Famin byŭ zabity 2 krasavika ŭ vyniku vybuchu, jaki prahrymieŭ padčas jaho «tvorčaha viečara», jaki prachodziŭ na Vasileŭskim vostravie ŭ Sankt-Pieciarburhu ŭ kafe Street Food Bar №1. Hetaja ŭstanova naležyć strukturam zasnavalnika PVK «Vahniera» Jaŭhiena Pryhožyna.
Kamientary
🤷🏻♂️