Lačyć dziaciej sa SMA za košt srodkaŭ biudžetu nie atrymajecca — Minzdaroŭja
U Biełarusi tolki niekalki dziaciej zmahli atrymać samyja darahija leki ŭ śviecie ad nievylečnaj hienietyčnaj chvaroby. Ale dabračynny zbor jany zakryvali sami.
U Biełarusi dvoje dziaciej sa SMA, jakija padychodziać dla praviadzieńnia hiennaj terapii preparatam Zolgensma («Załhiensma»). Pra heta zajaviŭ namieśnik ministra achovy zdaroŭja Juryj Horbač, piša vydańnie Tochka.by.
Jon adznačyŭ, što ŭ ciapierašni čas u śviecie isnujuć try varyjanty terapii, jakaja moža dapamahčy dzieciam sa SMA. Adna ź ich — samyja darahija leki ŭ śviecie, košt jakich pieravyšaje $2 młn.
Namieśnik ministra padkreśliŭ, što dla Biełarusi canu ŭdałosia źnizić da $1,8 młn, ale ŭsio roŭna jana zastajecca niepadjomnaj dla ŭsich siemjaŭ.
«Zrazumieła, što čysta za košt srodkaŭ dziaržaŭnaha biudžetu ŭ nas nie atrymlivajecca hetaha zrabić», — zajaviŭ Juryj Horbič.
Kamientary