Mižnarodnaja fiederacyja kanoe dapuściła rasijan i biełarusaŭ da spabornictvaŭ
Mižnarodnaja fiederacyja kanoe (ICF) paviedamiła pra dopusk rasijskich i biełaruskich spartsmienaŭ da ŭdziełu ŭ spabornictvach u niejtralnym statusie.
«Praŭleńnie Mižnarodnaj fiederacyi kanoe (ICF) pryniało rašeńnie dazvolić rasijskim i biełaruskim spartsmienam… udzielničać u spabornictvach u indyvidualnym niejtralnym statusie», — havorycca ŭ paviedamleńni.
Jak adznačajecca, «pastanova była pryniataja paśla šyrokich kansultacyj ź mižnarodnaj supolnaściu vieślaroŭ na kanoe i razhladu zaściaroh, vykazanych arhanizatarami mierapryjemstva».
Paviedamlajecca, što «budzie stvoranaja niezaležnaja kamisija dla razhladu ŭsich zajavak ad rasijskich i biełaruskich spartsmienaŭ, jakija chočuć vystupać u jakaści niejtralnych. Terminy ich uklučeńnia ŭ spabornictvy buduć vyznačanyja paśla taho, jak hetaja niezaležnaja kamisija vyznačyć praviły i pałažeńni, nieabchodnyja dla razhladu adpaviednaści spartsmiena patrabavańniam, i paśla paćviardžeńnia antydopinhavych pracedur Mižnarodnym ahienctvam pa teściravańni (ITA)».
U mižnarodnaj fiederacyi padkreślili, što «praŭleńnie ICF zachavaje zabaronu na ŭdzieł usich rasijskich i biełaruskich aficyjnych asob u spabornictvach pa viesłavańni na kanoe. Aficyjnym asobam nie budzie dazvolena prysutničać u luboj aficyjnaj jakaści na mierapryjemstvach pad ehidaj ICF».
«My čakali, što pieramoža zdarovy sens, ale pieramahli rasijskija rubli». Ukraina prapuścić čempijanat śvietu pa dziudo z-za ŭdziełu rasijan i biełarusaŭ
Polšča farmuje mižnarodnuju kaalicyju, kab nie dapuścić biełarusaŭ i rasijan na Alimpijadu
Ukrainka Śvitolina nie pacisnuła ruku biełaruscy Sasnovič paśla tenisnaha matča
Ciapier čytajuć
Pamiłavany 15 palitviaźniaŭ, u tym liku dźvie siamiejnyja pary2
Pamiłavany 15 palitviaźniaŭ, u tym liku dźvie siamiejnyja pary
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary